Сеткавае выданне zviazda.by

Лясгасы Брэсцкай вобласці ў снежныя і марозныя дні арганізавалі падкормку дзікіх жывёл на спецыяльных пляцоўках, паведаміў вядучы інжынер па паляўнічай гаспадарцы Брэсцкага дзяржаўнага вытворчага лесагаспадарчага аб’яднання (ДВЛГА) Ігар Арцюшчык, перадае БелТА.

Зімовыя канікулы — час вясёлых забаў, прагулак і паездак. Таксама гэта і час, калі важна не забываць аб бяспецы дзяцей на дарозе: рана цямнее, слізка, а цёплае адзенне і капюшоны абмяжоўваюць агляд, бачнасць і рухавасць.

У апошнія дні 2025 года ў Беларусь прыйшло сапраўды зімовае надвор’е з маразамі. Аднак сіноптыкі абяцаюць хуткую змену тэмпературы з мінуса на плюс і папярэджваюць аб галалёдных з’явах. У такі перыяд колькасць пацыентаў траўмапункта са стандартных 10–15 чалавек за змену можа рэзка павялічыцца да 70. Медыкі да такіх сітуацый гатовы, але паведамляюць, што звяртацца з траўмамі неабавязкова ў стацыянары. Траўматолагі прымаюць пацыентаў у паліклініках, прычым як у рабочыя гадзіны, так і ў выхадны і начны час (траўмапункты пры некаторых паліклініках).

Зімой неабходна мыць аўтамабіль не радзей чым раз у два тыдні. Лепш за ўсё гэта рабіць, калі тэмпература паветра трымаецца каля нуля градусаў Цэльсія. Пазбягайце мыцця ў мароз — вада можа замерзнуць на кузаве і нанесці пашкоджанні лакафарбаваму пакрыццю.

У халодную пару павялічваецца рызыка не толькі прастудных захворванняў, але і траўм. Слізкі ад галалёду асфальт кожную хвіліну гатовы падставіць нам падножку. Кароткачасовы боль і сіняк — далёка не адзіныя магчымыя наступствы траўм канечнасцяў. Бываюць сітуацыі і больш сур’ёзныя.