Сеткавае выданне zviazda.by

Метады селекцыі агароднінных культур (як і іншых стратэгічна важных сельгасраслін — пладовых, збожжавых і г. д.) удасканальваюцца ў свеце імкліва. Каб паспяваць за працэсам, патрэбныя высакакласныя спецыялісты і высокатэхналагічнае абсталяванне. Асабісты талент селекцыянера і любоў да зямлі, вядома, таксама ніхто не адмяняў, але вынік залежыць не ад «мічурынскага запала», а ад сучасных селекцыйных методык. Намеснік генеральнага дырэктара па навуковай рабоце НПЦ НАН Беларусі па бульбаводстве і агародніцтве Андрэй Чайкоўскі распавёў аб тым, наколькі сёння беларуская селекцыя можа канкурыраваць з замежнай.

Стала ўжо добрай традыцыяй напярэдадні Дня роднай мовы абмяркоўваць у рэдакцыі «Звязды» з удзелам дасведчаных экспертаў актуальныя пытанні, якія тычацца развіцця і існавання беларускай мовы.

Урачыстасць адбудзецца па благаславенні Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі. Можна сказаць, што гэта свята асветніцтва — ужо традыцыйнае для краіны. Яно дазваляе ўспомніць пра тое, што калісьці першыя кнігі на нашай зямлі з’яўляліся праз пашырэнне хрысціянства, кніга сапраўды несла святло — душы, веры. Спачатку кнігі перапісвалі ад рукі, а пасля сталі друкаваць (дарэчы, першыя выданні Францыска Скарыны мелі духоўны змест, а сёлета мы адзначым 500 гадоў з выхаду яго «Апостала»). Быў час, калі вучыцца чытаць і пісаць пачыналі менавіта па гэтых кнігах. І сёння духоўная літаратура запатрабаваная ў грамадстве, таму што дапамагае людзям умацаваць каштоўнасці, спрыяе развіццю асобы, дае адказы на шмат якія жыццёвыя пытанні.

Беларускія медыкі выйшлі на стапрацэнтнае імпартазамяшчэнне па металаканструкцыях для хірургіі пазваночніка. Ледзь не палова металаканструкцый, якія выкарыстоўваюцца пры пераломах доўгіх касцей канечнасцяў, таксама распрацавана беларускімі артапедамі. У РНПЦ траўматалогіі і артапедыі прыязджалі пераймаць досвед калегі з Вялікабрытаніі і ЗША, таксама беларускія методыкі ўкаранёны і запатрабаваны ў Японіі, Іране. Гэта датычыцца ў першую чаргу рэканструкцыйнай хірургіі дзіцячага тазасцегнавога сустава. З 2019-га ўтрая ўзрасла колькасць аперацый па эндапратэзаванні каленных і тазасцегнавых суставаў, летась іх выканана больш за 21 тысячу. Пра імпартазамяшчэнне і новыя метады лячэння расказалі ў РНПЦ траўматалогіі і артапедыі.

Да залатога юбілею адной з найстарэйшых устаноў Нацыянальнай акадэміі навук была прымеркавана Міжнародная навукова-практычная канферэнцыя «Навука. Бібліятэка. Інфармацыя», якая сабрала больш за 200 удзельнікаў — прадстаўнікоў вядучых бібліятэк Беларусі і Расіі, навучальных устаноў, архіваў.

Міжнародны круглы стол «Камунікацыя з дзяржавай у лічбавай прасторы: погляд моладзі» правялі ў Доме дружбы. Удзел у мерапрыемстве ўзялі знакамітыя беларускія вучоныя і практыкі, прадстаўнікі ІT-індустрыі краін ЕАЭС, дыпламаты, студэнты-аналітыкі вядучых ВНУ краіны.

У рамках міжнароднага лічбавага форуму Dіgіtal Almaty 2025, які прайшоў 31 студзеня — 1 лютага ў Алматы, намеснік старшыні праўлення Еўразійскага банка развіцця (ЕАБР) Тыгран Саркісян прадставіў перадавыя лічбавыя праекты фонду лічбавых ініцыятыў банка.

Антарктыка — малавывучаны рэгіён планеты. Чалавецтва даследавала толькі частку ўзбярэжжа, а большасць унутрыкантынентальных і многія прыбярэжныя тэрыторыі вялізнага (болей чым у 60 разоў перавышаючага Беларусь па плошчы) «лядовага кантынента» і сёння застаюцца terra іncognіta. Зараз там працуе 17-я Беларуская антарктычная экспедыцыя.

Антарктыка — проста ідэальны прыклад непрадузятых і канструктыўных адносін паміж краінамі. Па вялікім рахунку, навуковыя дасягненні ў такіх глабальных кірунках, як заваяванне космасу, развіццё атамнай энергетыкі, супрацьдзеянне пандэміям, асваенне палярных рэгіёнаў, з’яўляюцца важным інструментам міжнароднай дыпламатыі.

Незвычайная калекцыя крэменя сабрана ў Бераставіцкім раёне. Музей знаходзіцца ў сярэдняй школе аграгарадка Вялікія Эйсманты. Тут можна ўбачыць экспанаты, якія нагадваюць работы скульптараў, настолькі адшліфавана і выразна яны выглядаюць. А між тым, рука чалавека не мела да гэтага ніякага дачынення — усё зрабіла прырода. А пытлівыя месцічы сабралі падарункі беларускіх нетраў, каб наблізіцца да спрадвечных загадак зямлі.