Сеткавае выданне zviazda.by

Аўтарскі калектыў дакументальна-біяграфічнага нарыса — Аляксандр Радзькоў, Наталля Эйсмант, Уладзімір Пярцоў і Аляксандр Карлюкевіч — не ставіў перад сабой задачу напісаць біяграфію Аляксандра Лукашэнкі, а тым больш раскрыць пэўныя шакавальныя кулуары палітычнага жыцця. Ключавы лейтматыў — нагадаць, які шлях прайшоў і кожны дзень праходзіць наш Прэзідэнт, паказаць, колькі нацыянальны лідар зрабіў і працягвае рабіць для нашай краіны, кожнага беларуса.

Нягледзячы на развіццё тэхналогій, умовы надвор’я па-ранейшаму сярод ключавых фактараў сельскагаспадарчай вытворчасці. Кліматычныя змены кідаюць выклік як аграрыям-практыкам, так і навуцы. Што супрацьпаставяць навукоўцы «нябеснай канцылярыі»? Ці можа анамальна цёплая зіма стварыць праблемы для ўраджаю азімых? І якія прагнозы на будучы сельскагаспадарчы сезон? Пра гэта «Звяздзе» распавялі ў Навукова-практычным цэнтры па земляробстве НАН Беларусі.

З года ў год расце прэстыж сельскагаспадарчых прафесій, і нездарма, бо сёння краіна будуе сучасныя малочнатаварныя комплексы, аўтаматызуе вытворчыя працэсы на прадпрыемствах, а сучасныя камбайны па ўзроўні камфорту ўвогуле могуць паспаборнічаць з навінкамі легкавога аўтапрама. Тым не менш, любоў да працы на зямлі і ўсведамленне важнасці аграрнай галіны ў развіцці Беларусі трэба прывіваць з дзяцінства. Гэтым паспяхова займаюцца педагогі Параф’янаўскай сярэдняй школы, што ў Докшыцкім раёне.

Вілейскі раён славіцца сваімі перадавымі прадпрыемствамі ў самых розных сферах. Адно з тых прадпрыемстваў, што заўсёды застаецца на слыху, — ААТ «Зеніт-БелОМА», на якім з 2022 рэалізуецца інавацыйны праект па вытворчасці прыцэльнай тэхнікі і аўтакампанентаў як для патрэб краіны, так і для экспартных мэт. У панядзелак, 20 студзеня, з ходам рэалізацыі праекта азнаёміліся кіраўнік Адміністрацыі Прэзідэнта Беларусі Дзмітрый Крутой і старшыня Мінскага аблвыканкама Аляксандр Турчын.

На базе Вілейскага вытворчага ўчастка ААТ «Мінскі малочны завод № 1» адбылося адкрыццё ўчастка вытворчасці сыроў з белай цвіллю. Ва ўрачыстай цырымоніі адкрыцця аб’екта ўзялі ўдзел кіраўнік Адміністрацыі Прэзідэнта Беларусі Дзмітрый Крутой і старшыня Мінскага аблвыканкама Аляксандр Турчын.

Падатковы разлік па падаходным падатку з фізічных асоб павінен запаўняцца і перадавацца ў падатковую не пазней за 31 сакавіка. Выплата на падставе прадстаўленай дэкларацыі ажыццяўляецца не пазней за 1 чэрвеня, на падставе паведамлення, якое ўручаецца падатковым органам, — не пазней за 30 красавіка.

Падтрымка найбольш таленавітай і матываванай моладзі, стварэнне спрыяльных умоў для паспяховай вучобы, навуковай і творчай дзейнасці былі і застаюцца прыярытэтнымі для кіраўніка дзяржавы.

20 студзеня БРСМ даў старт рэспубліканскай акцыі для грамадзян, якія галасуюць упершыню — «Твой голас першы».

«Над гародам і садам — сонца. Віецца матавы гарох, пахне кропам і каноплямі, матылямі чырванее на градах мак, гудуць, вылятаючы з вулляў, пчолы. Лапушацца вялізныя, на чырвона-зялёных ножках-сцяблінках, лісты рэвеню, „беларускага апельсіна“. А ўначы, калі ляжыш на посцілцы пад дрэвам, часам чуеш, як глуха, нібы гіры, падаюць на дах антонаўкі і бубняць, ракочуць, скочваючыся па ім», — так узнёсла апісваў Уладзімір Караткевіч у эсэ «Зямля пад белымі крыламі» беларускую гасподу... Недарэмна гэты год абвешчаны Годам добраўпарадкавання — беларусы нават у часы нястачы імкнуліся да чысціні і прыгажосці. Цудоўную выцінанку на шыбу прыладзіць, кашулю вышыўкай аздобіць... Парадкавалі свой побыт і героі беларускай літаратурнай класікі.

Студзень нас не песціць зімовым надвор’ем, якое цяпер больш нагадвае познюю восень. У нашай краіне ўтрымліваецца тэмпературны фон на 5–8 градусаў вышэй за кліматычную норму. Гэты працоўны тыдзень не стане выключэннем, паведамляюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.