Сеткавае выданне zviazda.by

У рамках падпісанага на Форуме рэгіёнаў пагаднення паміж Мінскім абласным Саветам дэпутатаў і Дзяржаўным Саветам Рэспублікі Татарстан аб гандлёва-эканамічным, гуманітарным, навукова-тэхнічным супрацоўніцтве дэлегацыя жанчын Рэспублікі Татарстан у гэтыя дні наведвае Мінскую вобласць. Замежныя госці знаёмяцца з культурна-гістарычнай спадчынай Міншчыны, яе эканамічным і прамысловым, турыстычным патэнцыялам. Так, у панядзелак член Савета Рэспублікі, старшыня Мінскага абласнога Савета дэпутатаў Наталля Якубіцкая разам з дэлегацыяй жанчын-дэпутатаў Дзяржаўнага Савета Рэспублікі Татарстан наведалі знакавае для кожнага беларуса месца — мемарыяльны комплекс «Хатынь», азнаёміліся з яго трагічнай гісторыяй, аддалі даніну памяці, усклалі кветкі... Карэспандэнты «Звязды» далучыліся да займальнага падарожжа.

У Авальнай зале Дома ўрада пад кіраўніцтвам Старшыні Палаты прадстаўнікоў Ігара СЕРГЯЕНКІ прайшоў семінар на тэму «Акутальныя пытанні прымянення заканадаўства Рэспублікі Беларусь аб ахове і выкарыстанні зямель на сучасным этапе». На ім дэпутаты Палаты прадстаўнікоў, члены Савета Рэспублікі, кіраўнікі рэспубліканскіх мясцовых органаў улады, прадстаўнікі судзейскага корпуса абмеркавалі даволі аб’ёмны спектр пытанняў, прааналізавалі дзеянні нормаў заканадаўства аб ахове і выкарыстанні зямель, прымяненне зямельнага заканадаўства, рэалізацыю норм і многае іншае.

22 сакавіка па ўсёй краіне афіцыйна стартавалі прафілактычныя мерапрыемствы ў рамках рэспубліканскай акцыі «За бяспеку разам!» У гэтыя выхадныя на карце ратавальнікамі адзначана ўся Мінская вобласць. Бо галоўная мэта акцыі — укараненне формулы бяспекі ў кожным доме і ў жыцці кожнага грамадзяніна.

У гэты чацвер Нацыянальная бібліятэка Беларусі ўрачыста сустракала гасцей — выпускнікоў Мінскага дзяржаўнага каледжа лічбавых тэхналогій з ліку асоб з асаблівымі адукацыйнымі патрэбамі. Уручыць доўгачаканыя дыпломы, заслужаныя ўзнагароды і павіншаваць маладых людзей з заканчэннем вучобы прыехалі Старшыня Савета Рэспублікі Наталля Качанава і Мітрапаліт Мінскі і Заслаўскі Веніямін.

У рамках акцыі «За бяспеку разам» ратавальнікі засяродзілі ўвагу на Мінскім раёне, які акружае сталіцу Беларусі — Мінск. Гэты раён займае плошчу 1902,6 квадратных кіламетра і складае 4,8 % ад усёй Мінскай вобласці. Ён мяжуе з 12 іншымі раёнамі, што робіць яго важнай часткай рэгіёну. Па дадзеных на кастрычнік 2024 года ў Прысталіччы пражывае больш за 265 000 чалавек, з іх 42 769 — у прыватных дамах і больш за 100 000 — у кватэрах. Гэта падкрэслівае важнасць забеспячэння бяспекі для ўсіх жыхароў раёна.

Правядзенне Дзён Мінска дасць магчымасць прыняць дадатковыя меры па нарошчванні тавараабароту за кошт рэалізацыі сумесных праектаў у прамысловай і гуманітарнай сферах, а таксама ва ўстанаўленні дзелавых кантактаў паміж прадпрыемствамі, дыверсіфікацыі паставак прадукцыі. У верасні 2024 года Дні Екацярынбурга прайшлі ў Мінску, цяпер — візіт у адказ. Плануецца, што афіцыйную праграму Дзён адкрые сустрэча кіраўнікоў гарадоў-пабрацімаў, дзе будуць абмяркоўвацца пытанні міжрэгіянальнага і гандлёва-эканамічнага супрацоўніцтва. «Звязда» даведалася, чым гэтым разам будзем здзіўляць екацярынбуржцаў.

На сталічных праспектах Незалежнасці і Пераможцаў 25 сакавіка было асабліва шматлюдна. Людзі прыйшлі, каб сустрэць урачысты картэж і падтрымаць кіраўніка дзяржавы перад асабліва важнай падзеяй — інаўгурацыяй Прэзідэнта Рэспублікі Беларусь. Карэспандэнт «Звязды» далучыўся да мінчан і гасцей сталіцы і пацікавіўся ў беларусаў, чаму прыйсці ў гэты дзень павітаць Прэзідэнта для іх было асабліва важна.

З надыходам вясны жыхары і госці сталіцы сталі актыўна карыстацца сродкамі персанальнай мабільнасці. У сувязі з гэтым павялічылася і колькасць дарожна-транспартных здарэнняў, выпадкаў траўматызму, у тым ліку з удзелам непаўналетніх. На мінулым тыдні «Звязда» разам з Фрунзенскім аддзелам Дзяржаўтаінспекцыі горада Мінска ўжо ўздымала надзённую тэму электрасамакатчыкаў, якія ў большасці выпадкаў і становяцца віноўнікамі здарэнняў. Тым не менш абстаноўка застаецца напружанай. Аднак гэтай балючай тэме ўсё ж такі быў дадзены ход! Днямі ў беларускай сталіцы прайшло пашыранае пасяджэнне дзвюх пастаянных камісій Мінскага гарадскога Савета дэпутатаў з удзелам прадстаўнікоў Дзяржаўтаінспекцыі, Мінскага гарвыканкама, арганізацый, якія аказваюць паслугі пракату электрасамакатаў, грамадскасці. Карэспандэнт «Звязды» разам з упаўнаважанымі асобамі пастараўся разабрацца, як можна супакоіць ліхачоў на сродках індывідуальнай мабільнасці.

Апошнім часам турыстычныя патокі ў нашу краіну павялічыліся, прычым і з Захаду, і з Усходу. Расіяне едуць сюды нават на выхадныя, заходнія госці, карыстаючыся бязвізам, таксама не мінаюць увагай нашы турыстычныя аб’екты. Ды і самі беларусы сталі больш праяўляць цікавасці да ўласнай краіны і ўсё часцей выбіраюць падарожжа па Беларусі ў якасці актыўнага адпачынку. Як не застацца на ўзбочыне гэтага вялікага турыстычнага руху, як працуюць над тым, каб завабіць турыстаў менавіта да сябе, мясцовыя ўлады, высвятлялі нашы карэспандэнты.

Вясна — час, калі прачынаецца не толькі прырода. Беларусы пачынаюць актыўна выкарыстоўваць экалагічны мабільны транспарт. Гэта электрасамакаты, электравеласіпеды, манаколы і іншыя сродкі індывідуальнай мабільнасці. Акрамя выгод, якія яны даюць, штогод сотні выпадкаў, якія адбіваюць любоў да хуткасці. Карэспандэнты «Звязды» разам з супрацоўнікамі Дзяржаўтаінспекцыі Фрунзенскага раёна сталіцы арганізавалі спецыяльны рэйд, падчас якога даведаліся больш пра культуру кіравання і правілы, што могуць зберагчы ад непрыемных сітуацый.