Сеткавае выданне zviazda.by

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Аб’яднаць адным конкурсам тысячы людзей, адарваць моладзь ад гаджэтаў, запусціць прарыўны праект — для многіх гэта немагчыма. Але для Прэзідэнцкага спартыўнага клуба гэта прывычныя рэчы. У яго актыве некалькі дзясяткаў праектаў, у якіх удзельнічаюць тысячы людзей.

«Ліць ваду» і даваць пустыя абяцанні — не беларускі падыход. Клапаціцца аб здароўі і камфорце людзей і не шкадаваць на гэта сродкі — вось наш варыянт. Пяцігодка якасці і Год добраўпарадкавання толькі пачаліся, а ў сталіцы ўжо адбылася гістарычная падзея з гэтым звязаная — Мінск поўнасцю пераведзены на якасную артэзіянскую ваду. «Я ведаю, што гэта людзі запомняць назаўжды. І будуць удзячныя. Таму што паветра, вада, наша харчаванне — гэта аснова жыцця. Не лекі. А менавіта гэта. Паветра, вада — тое, без чаго людзі жыць не могуць», — адзначаў Прэзідэнт Беларусі Аляксандр Лукашэнка 7 студзеня, наведваючы храм. ​

Тыя беларусы, якіх на Гульні дапусцілі, у Парыжы прадэманстравалі сапраўдны гераізм і спартыўны дух. У авангардзе — батутысты. Іван Літвіновіч стаў першым у гісторыі двухразовым чэмпіёнам па скачках на батуце. Віялета Бардзілоўская — сярэбраны прызёр Алімпіяды. Яўген Залатой стаў сярэбраным прызёрам у спаборніцтвах па акадэмічным веславанні. Гэта першы для Беларусі медаль у мужчын-акадэмістаў. Яўген Ціханцоў узяў рэванш за няўдалае выступленне на Алімпіядзе ў Токіа і з Парыжа прывёз бронзавы медаль. І няхай аматараў цікавяць найперш медалі, не варта забываць, што чацвёртае месца байдарачніка Уладзіслава Краўца ці выхад у фінал плыўчыхі Аліны Змушко — таксама выдатны вынік на Алімпійскіх гульнях.

«Мы ганарымся поспехамі на найбуйнейшых сусветных турнірах нашых вядомых спартсменаў і трэнераў, удастоеных прэміі «Беларускі спартыўны Алімп», — адзначыў учора Прэзідэнт Беларусі Аляксандр Лукашэнка на цырымоніі ўручэння спецыяльных прэмій. Сёлятнія лаўрэаты прэміі «Беларускі спартыўны Алімп» ведаюць што такое поспехі на найбуйнейшых сусветных турнірах, і вельмі добра ведаюць кошт гэтым поспехам. Іх гісторыі варта ведаць кожнаму. І мы з задавальненнем іх раскажам.

Першае мерапрыемства ў графіку Прэзідэнта Беларусі Аляксандра Лукашэнкі ў новым годзе — сустрэча з даверанымі асобамі. У гэтую каманду ўвайшлі прадстаўнікі розных сфер, аб’яднаных агульнай мэтай. Кіраўнік дзяржавы паставіў перад імі задачы, якія на электаральны перыяд дабавяцца да іх службовых абавязкаў. Аднак, як заўсёды, Прэзідэнт заклікае глядзець шырэй і не абмяжоўваць работу тэрмінам да 26 студзеня. Таму тэмай размовы стала, безумоўна, электаральная кампанія, аднак і пытанні на перспектыву абмеркавалі.

Урачыстая, прыгожая і кранальная традыцыя працягваецца. У святочныя калядныя дні Прэзідэнт Беларусі Аляксандр Лукашэнка ўручыў спецыяльныя прэміі «За духоўнае адраджэнне», спецыяльныя прэміі дзеячам культуры і мастацтваў і спецыяльную прэмію «Беларускі спартыўны Алімп».

Традыцыйна свята Раства Храстова Прэзідэнт Беларусі Аляксандр Лукашэнка сустракае разам з вернікамі ў царкве. Сёлета кіраўнік дзяржавы наведаў храм Свяціцеля Мікалая цудатворца ў Лагойску. Месца ўнікальнае. Храм быў пабудаваны ў 1866 годзе і з’яўляецца помнікам архітэктуры. У 1930-я гады храм быў зачынены і ператвораны ў збожжасховішча. Падчас Вялікай Айчыннай вайны службы тут аднавіліся і ўжо не перапыняліся. У 1907 годзе ў храм вернуты старажытны абраз Лагойскай Божай Маці, які лічыўся страчаным. Пры царкве ёсць гаючая крыніца, якая выцякае з падножжа ўзгорка, на якім стаіць храм. Аляксандр Лукашэнка ў царкве запаліў святочную свечку. А затым пагутарыў з вернікамі. Размова хоць і не была абсалютна святочнай, але ж на самыя важныя тэмы.

Цытата тыдня. «Выдатна, што атрымліваецца абыгрываць топ-клубы. Але мы не дзелім на моцных і слабых. Звяртаем увагу на клас каманды, калі сапернік можа пакараць за любую памылку. І ЦСКА мог гэта зрабіць. Любы спартсмен хоча перамагаць пастаянна, і мы не выключэнне. Але гэта немагчыма, часам і паражэнні вучаць шмат чаму. Ёсць шмат розных нюансаў і аб’ектыўных прычын, але бываюць моманты, калі трэба сябе прымусіць», — падкрэсліў галоўны трэнер хакейнага клуба «Дынама-Мінск» Дзмітрый Квартальнаў пасля дамашняга матчу з ЦСКА. Гэты матч на роднай арэне аматарам клуба ды і самім мінскім хакеістам запомніцца надоўга — яны ўсухую перамаглі маскоўскі ЦСКА — 2:0. Галамі за дынамаўцаў адзначыліся Крыс Цірні і Вадзім Мароз, а галкіпер каманды Васіль Дземчанка ў трэці раз згуляў «на нуль» у форме «зуброў». Напярэдадні «Дынама-Мінск» на сваім лёдзе ўступіў ніжагародскаму «Тарпеда» — 2:4. Наступны матч на «Мінск-арэне» пройдзе 10 студзеня, «зубры» прымуць супернікаў з «Сібіры».

Правядзенне выбараў і шэраг надзённых пытанняў Прэзідэнт таксама абмеркаваў са старшынямі аблвыканкамаў і старшынёй Мінскага гарвыканкама.