Сеткавае выданне zviazda.by

Лета — гарачая пара для аграрыяў. З пачаткам жніва на палях кіпіць работа, ад якой залежаць і харчовая бяспека краіны, і фінансавая стабільнасць саміх сельгаспрадпрыемстваў. Аб тым, як праходзіць бадай самы важны этап сялянскай працы, што дапамагае своечасова ўбраць вырашчанае, а потым і зберагчы ўраджай, даведаліся на месцы.

Вучоныя плануюць вывесці беларускую пароду коз. Аб гэтым расказала начальнік галоўнага ўпраўлення інтэнсіфікацыі жывёлагадоўлі і рыбагаспадарчай дзейнасці Мінсельгасхарча Наталля Соніч, паведамляе БелТА.

Першы маладзёжны экіпаж-тысячнік вызначыўся ў Пружанскім раёне, паведаміла БелТА афіцыйны прадстаўнік ЦК БРСМ, Куратар рэспубліканскага праекта «Моладзь — за ўраджай» Таццяна Максімавіч.

Першыя камбайны на Лёзненшчыне выйшлі ў палі ў Дзень Незалежнасці. Напэўна, гэта сімвалічна, бо харчовая бяспека і незалежнасць — паняцці ўзаемна абумоўленыя. Але аграрыі глядзяць не на даты календара, а на стан раслін і надвор’е. І ўсё ж свята ў адным з самых усходніх раёнаў Беларусі атрымалася двайным. Збор ураджаю нездарма называюць «бітвай», але акрамя напружання ўсіх сіл гэта яшчэ натхненне і надзея. Зямля дзякуе чалавеку за клопат, аддае свайму гаспадару плады яго працы.

Лета сёлета хоць і не вельмі спякотнае, але для аграрыяў традыцыйна — пара гарачая. Уборачная кампанія — найважнейшы этап сельскагаспадарчых работ, які вызначае ў выніку вагу рэспубліканскага каравая, а калі больш глабальна, — стан харчовай бяспекі краіны. І гэты этап нязменна знаходзіцца пад пільнай увагай Прэзідэнта Беларусі Аляксандра Лукашэнкі. Абавязковая традыцыя ўборачнай кампаніі — тэматычная селектарная нарада кіраўніка дзяржавы з усімі адказнымі за жніво — ад міністраў да старшынь райвыканкамаў. На сувязі з Палацам Незалежнасці — уся краіна.