Сеткавае выданне zviazda.by

У Мінскай вобласці ўжо стала добрай традыцыяй кожны год узводзіць мінімум адзін дом для супрацоўнікаў органаў унутраных спраў. Не стаў выключэннем і цяперашні — утульная 11-павярхоўка на вуліцы Васільковай у аграгарадку Сеніца Мінскага раёна сёння прыняла навасёлаў. 217 сем’яў супрацоўнікаў органаў унутраных спраў цэнтральнага рэгіёна атрымалі ключы ад уласных кватэр. Павіншаваць людзей з такой падзеяй прыехалі старшыня Мінскага аблвыканкама Аляксандр Турчын і міністр унутраных спраў генерал-лейтэнант міліцыі Іван Кубракоў.

Яркімі эмоцыямі расфарбаваў канец зімы фінал рэспубліканскага праекта «Студэнт года», які прайшоў у Мінскім гарадскім палацы культуры. На працягу ўсяго 2024-га каля 150 студэнтаў па ўсёй краіне ўдзельнічалі ў адборах спаборніцтва на базе ўстаноў вышэйшай адукацыі. Гэта і конкурс прамоўніцкага майстэрства, і абарона праектаў, і творчы нумар. Да таго ж усе ўдзельнікі павінны былі мець высокі сярэдні бал — не менш за «8», а таксама займаць актыўную жыццёвую пазіцыю, удзельнічаць у грамадскім жыцці ўніверсітэта і горада. У выніку ў фінал выйшлі 14 юнакоў і дзяўчат з Мінска, абласных цэнтраў, а таксама Баранавічаў і Наваполацка.

Новы рабочы тыдзень пачаўся з кадравых прызначэнняў у новы склад урада. Ці, як заўважыў Прэзідэнт Беларусі Аляксандр Лукашэнка, новага-старога ўрада. Некаторыя міністры атрымалі свае партфелі літаральна за некалькі месяцаў да прэзідэнцкіх выбараў, некаторыя — крыху раней, і яны працягнуць сваю работу. Як растлумачыў кіраўнік дзяржавы, гэта было зроблена для таго, каб людзі бачылі і разумелі, з кім будзе працаваць Прэзідэнт.

Прэм’ер-міністр Раман Галоўчанка прадставіў віцэ-прэм’ера Уладзіміра Караніка калектыву Апарата Савета Міністраў і профільным міністрам, перадае БелТА.

Пасяджэнне штаба па пытаннях устаранення наступстваў летняй стыхіі на чале з намеснікам прэм’ер-міністра Віктарам Каранкевічам прайшло на базе аднаго з самых пацярпелых раёнаў. Міністр лясной гаспадаркі Аляксандр Кулік далажыў аб тым, што ўжо зроблена ў галіне за сем месяцаў напружанай працы.

У мінулым годзе забяспечана ўстойлівая работа арганізацый сістэмы Мінпрама. Гэта падчас выніковай калегіі ведамства адзначыў намеснік прэм'ер-міністра Віктар Каранкевіч. «Чысты прыбытак па выніках года ўзрос у 6,4 раза, а таксама выкананы планавы паказчык па рэнтабельнасці продажаў. У экспартнай дзейнасці абнавіліся максімальныя вынікі за апошнія 10 гадоў», — падкрэсліў віцэ-прэм'ер.

На пасяджэнні Гродзенскага аблвыканкама былі разгледжаны вынікі сацыяльна-эканамічнага развіцця Гродзенскай вобласці за 2024 год і задачы на 2025 год, а таксама выкананне бюджэту рэгіёна за 2024 год і задачы па выкананні бюджэту на 2025 год.

Мінск прымае Кубак мацнейшых па канькабежным спорце. 30 найлепшых беларускіх і 30 расійскіх спартсменаў на працягу трох дзён будуць паказваць сваё майстэрства і здзіўляць хуткасцямі. Арганізатары абяцаюць не толькі захапляльныя спаборніцтвы, але і яркае шоу. Даведаліся падрабязнасці.

«Ваша задача, гавару па-вайсковаму, — страсяніце краіну праз вертыкаль улады. У гэтым выпадку — зімоўка ў жывёлагадоўлі і падрыхтоўка да вясновай сяўбы. Мы ганарымся тым, што мы на больш чым 8 мільярдаў долараў прадалі сельгаспрадукцыі. Гэта цудоўна, але мы можам гэта страціць. Як звычайна бывае: супакоіліся, усё добра — страцілі. Таму трэба, каб, страсянуўшыся, мы мелі сёлета мінімум 9 мільярдаў, а то і 10 ад продажу прадуктаў харчавання. Харчаванне будзе пастаянна даражэць».

Аляксандр Лукашэнка 21 лютага 2025 года падчас наведвання сельгаспрадпрыемства «Шыпяны-АСК» у Смалявіцкім раёне

Арганізацыі Мінэнерга ў поўным аб’ёме забяспечылі эканоміку краіны і насельніцтва электрычнай, цеплавой энергіяй, газападобным і цвёрдым палівам. Пра гэта паведаміў міністр энергетыкі Аляксей Кушнарэнка падчас нядаўняй калегіі ведамства, на якой былі разгледжаны вынікі работы галіны ў 2024 годзе.