Сеткавае выданне zviazda.by

Мінула ўжо амаль чатыры гады, як палякі задумалі, а пасля і рэалізавалі ідэю ўстаноўкі агароджы на граніцы з Беларуссю. Рабілі гэта нібыта дзеля таго, каб паставіць заслон на шляху мігрантаў, якія ішлі да іх з боку Беларусі. Але ўжо сёння добра відаць адзіны вынік з гэтага распіяранага дзейства — вялікая шкода самаму старому лесу Еўропы, яго флоры і фаўне.

Амерыканскі блогер Марыа Наўфал, які ўзяў у Прэзідэнта Беларусі Аляксандра Лукашэнкі паўтарагадзіннае інтэрв’ю, зрабіў справядлівую выснову аб тым, што беларускі лідар — унікальны і вельмі моцны палітык, які шчыра жадае міру. Пра гэта разважаюць нашы эксперты.

З 1 сакавіка пачаў дзейнічаць Указ № 74 «Аб узмацненні ролі старшынь выканаўчых камітэтаў базавага ўзроўню ў развіцці рэгіёнаў». У ім гаворка ідзе аб пашырэнні паўнамоцтваў старшынь выканаўчых камітэтаў базавага ўзроўню і ўзмацнення іх адказнасці за стан спраў у рэгіёне. Сваім меркаваннем аб ролі гэтага дакумента ў жыцці грамадства падзялілася аналітык Беларускага інстытута стратэгічных даследаванняў Кацярына ЧАРОЎСКАЯ:

Беларусь — краіна з экспартна-арыентаванай эканомікай. Каля шасцідзесяці працэнтаў валавога ўнутранага прадукту пастаўляецца за мяжу. Гэтая лічба не сакрэт. Яе ведаюць і нашы заходнія нядобразычліўцы. Менавіта таму большасць з уведзеных у апошнія гады санкцый былі накіраваны на экспартаарыентаваныя прадпрыемствы «рэальнага сектара эканомікі». У 2022 годзе прэм’ер-міністр Раман Галоўчанка ў выданні Al Arabіya ў частцы наступстваў для беларускай эканомікі так званых новых санкцый ацаніў патэнцыяльную шкоду экспарту ў памеры да 30 %. «З-за санкцый аказаўся заблакіраваны практычна ўвесь экспарт Беларусі ў краіны Еўрапейскага саюза, Украіны і Паўночнай Амерыкі — гэта, умоўна кажучы, сума, якая ў год складае каля 16–18 млрд долараў», — адзначыў прэм’ер.

Прыватны бізнес займае немалую долю ў беларускай эканоміцы. Недзяржаўны сектар фарміруе палову ВУП, забяспечвае 37 працэнтаў прамысловай вытворчасці, менавіта на яго прыпадаеф трэць усіх інвестыцый. «Таму развіццё камфортнага бізнес-асяроддзя — адзін з прыярытэтаў дзяржаўнай эканамічнай палітыкі», — гэтыя словы Прэзідэнта на сустрэчы з прадстаўнікамі прадпрымальніцкай супольнасці дзяржава не раз падтрымала канкрэтнымі справамі. Прэферэнцыі, якія даюцца прыватнікам, ільготныя крэдыты, лагодная падатковая палітыка — усё гэта дазваляе бізнесу развівацца, адкрываць новыя прадпрыемствы, ствараць дзясяткі, а то і сотні новых працоўных месцаў, што асабліва важна для рэгіёнаў. З 208 праектаў, якія рэалізоўваюцца ў рэгіёнах паводле ініцыятывы Прэзідэнта «Адзін раён — адзін праект», 116 — малога і сярэдняга бізнесу.

Набліжаецца Дзень абаронцы Айчыны — адна з нямногіх афіцыйных падстаў нагадаць любімым мужчынам, наколькі яны важныя і каштоўныя для нас, жанчын. І, зразумела, у гэты дзень мужчыны чакаюць падарункаў як праявы любові і клопату. І якраз пра выбар падарункаў «на дваццаць трэцяе» прыгожай палове варта задумацца ўжо цяпер.

Сёлетняя анамальна цёплая зіма, а цяпер яшчэ і добрыя замаразкі амаль без снегу — тэма не толькі дзяжурных размоў аб надвор’і. Ці будзем з ураджаем? — вось важнае і для краіны, і, бадай, для кожнага асобна ўзятага яе жыхара пытанне. І калі для асобнай прыватнай гаспадаркі яно не крытычнае, дык у маштабах дзяржавы — гэта адзін з найважнейшых складнікаў харчовай бяспекі і экспартнага патэнцыялу, якія, у сваю чаргу, адны з галоўных умоў захавання суверэнітэту і незалежнасці. Нездарма нават падчас урачыстай цырымоніі ўручэння дыпломаў доктара навук і атэстатаў прафесара, якая прайшла нядаўна ў Палацы Незалежнасці, Прэзідэнт цікавіўся ў вучоных, якія наступствы могуць быць на азімых пасевах у сувязі з неверагодна цёплай зімой. Тыя запэўнілі кіраўніка дзяржавы, што хвалявацца пакуль асаблівых нагод няма.

Пасяджэнне Усебеларускага народнага сходу — другое па ліку ў яго новым канстытуцыйным статусе — пройдзе ў красавіку. Аб гэтым паведаміў Старшыня УНС, Прэзідэнт Беларусі Аляксандр Лукашэнка на Прэзідыуме УНС.

Асноўная мэта гэтай праграмы — стварэнне і развіццё інфраструктуры краіны: інжынернай, сацыяльнай, вытворчай і абароннай. Пры гэтым накіраванасць праграмы, размеркаванне яе сродкаў паміж абазначанымі сферамі павінны строга адпавядаць рэаліям часу. Ніводнай капейкі нельга траціць на тое, без чаго мы можам абысціся. Ключавы прынцып, якім трэба кіравацца: эканомія, эканомія, эканомія.

І хоць мінулыя прэзідэнцкія выбары — факт, які адбыўся, іх вынікі і безумоўная перамога дзеючага Прэзідэнта Аляксандра Лукашэнкі з падтрымкай 86,82 % выбаршчыкаў, якія прынялі ўдзел у галасаванні, — яшчэ доўга будзе бударажыць нашых заходніх апанентаў. Жартачкі вам: пасля ўзрушэнняў 2020-га беларусы зрабілі высновы і спакойна і ўзважана абралі свой шлях развіцця. Пра акцэнты цяперашняй электаральнай кампаніі пагаварылі з экспертамі.