Сеткавае выданне zviazda.by

Чароўны праект Алы Касцялецкай «Крыніца з пустаты» прэзентавалі ў Рэспубліканскім тэатры беларускай драматургіі (куратар выстаўкі — Надзея Хмыль). У цэнтры творчага даследавання мастачкі — унутраны космас чалавека, дзе нават сярод бязмернай пустэчы можна знайсці натхненне, духоўнасць і вызваліцца ад цяжару жыццёвых драм.

Галерэя DK запрашае на персанальную выстаўку Любові Сас «Прырода ўнутры». Гэта серыя экспрэсіўнага жывапісу пра крохкі баланс паміж розумам і інстынктамі, паміж знешнім выглядам і ўнутраным станам. Пра тое, як мы застаёмся часткай прыроды, нават калі і навучыліся насіць маскі.

Мастак Валерый Талкачоў выступае з персанальнай выстаўкай «Дакрананне» ў галерэі «Арт-Фабрыка». У экспазіцыі — лёгкія і празрыстыя акварэлі — пейзажы, якія перадаюць не толькі настрой прыроды, але і душэўны стан таго, хто назірае за яе жыццём. 

Свет трымаецца на запаветах любові. Цяпер, калі яе топчуць, зневажаюць тыя, хто самаўпэўнена вырашыў, што можа вяршыць лёсы, за любоў стаяць тыя, хто фарміруе думку грамадства, стражнікі праўды — пісьменнікі. Іх пераканаўчыя прамовы, акрыленыя вершаваныя радкі і поўныя веры і надзеі каментарыі — як кліч птушынага кліна, які ляціць у край справядлівасці, згоды і міру. Пісьменнікі не маўчаць у цяперашні трывожны час, калі прастора напоўнена супярэчлівай, правакацыйнай інфармацыяй, бо хто, як не яны, найлепш адчувае нерв сучаснасці, хто, як не яны, закліканы быць маральнай асновай грамадства? І яны будуць пачутыя, бо данясуць ідэі праўды праз мастацкае слова, якое трапляе прама ў сэрца. Пра паэтычны адказ жорсткай рэальнасці — гутарка са старшынёй Мінскага гарадскога аддзялення Саюза пісьменнікаў Беларусі, заслужаным дзеячам культуры Міхасём Пазняковым. 

Удзельнікі секцыі «Верасень» Беларускага саюза мастакоў, заснаванай у 1989 годзе, сёлета знаёмілі з напрацоўкамі — сваімі і папярэднікаў — у рамках святкавання 35-годдзя суполкі. Выстаўку «Верасень-35» правялі ў Палацы мастацтва (падзеі ўдзелена ўвага ў № 23 «ЛіМа»), а для чарговай творчай справаздачы выбралі Галерэю мастацтваў Леаніда Шчамялёва. Да 21 верасня тут будзе размешчана экспазіцыя «Магія пастэлі». 

Кніжная выстаўка «Стагоддзі сустракаюцца тут» адкрылася ў Нацыянальнай бібліятэцы Беларусі. Яна прымеркавана да Дня бібліятэк, які традыцыйна святкуюць 15 верасня.

Ужо год у Нацыянальнай бібліятэцы Беларусі працуе Кітайскі цэнтр кнігі. Чаму яго вырашылі стварыць і ці карыстаецца ён папулярнасцю. Аб гэтым журналістам расказаў намеснік генеральнага дырэктара НББ Віктар Пшыбытка падчас мерапрыемства, прымеркаванага да першай гадавіны з адкрыцця Кітайскага цэнтра кнігі.

Беларускі дзяржаўны тэатр лялек адкрые свой 88-ы сезон 13 верасня. Аб гэтым журналістам расказала галоўны адміністратар тэатра Алена Казакова, паведамляе БелТА.

Новы, 106-ты сезон у Нацыянальным акадэмічным тэатры імя Янкі Купалы адкрыўся традыцыйным паказам спектакля «Паўлінка». Аб гэтым журналістам расказала галоўны адміністратар Купалаўскага тэатра Аксана Нікіціна, перадае БелТА.