Сеткавае выданне zviazda.by

Імя фатографа Юрыя Іванова даўно стала ў нейкім сэнсе культавым для беларускай візуальнай культуры. Ён не толькі фотарэпарцёр, але і фотамастак, прычым у самых розных жанрах. Яму падуладныя таямніцы партрэта, пейзажа, замалёвак і іншых спосабаў захавання ўнікальных імгненняў. У арсенале майстра няма прахадных работ, кожная нясе адбітак часу, характару, сітуацыі. «У кожным здымку жыве рух, — сцвярджае наш герой. — Рух думкі і душы. І на сфатаграфаваным сорак гадоў таму дрэве, без сумневу, штогод прыбывае кольцаў. Яно сталее разам з намі. І можна да бясконцасці спрачацца, дзе застаўся арыгінал — у старасвецкім парку на ўскраіне Беларусі або на банальнай фотапаперы...»

Азія няўхільна ператвараецца ў глабальны хаб навукова-даследчых і доследна-канструктарскіх распрацовак (НДДКР), а таксама інавацый, што суправаджаецца значным павелічэннем у краіне як колькасці навукова-тэхнічных інавацыйных кластараў, так і іх якасці. Такая тэндэнцыя адзначаецца ў справаздачы Бааоскага азіяцкага форуму (БАФ) аб інавацыях за 2024 год, перадае «Сіньхуа».

Падтрымка навуковай моладзі — абавязковая ўмова развіцця навукі. У 2019 годзе былі зацверджаны прэміі для таленавітых маладых навукоўцаў, якія працуюць у інстытутах і даследчых цэнтрах Нацыянальнай акадэміі навук. Дзве з іх штогод прысуджаюцца ў галіне фізікі, матэматыкі, інфарматыкі, тэхнічных навук (яны носяць імя акадэміка Ж. І. Алфёрава). Чатыры (імя акадэміка В. Ф. Купрэвіча) — уручаюцца за найлепшыя распрацоўкі ў галіне біялогіі, хіміі, медыцыны, аграрных навук. І яшчэ дзве — імя акадэміка У. М. Ігнатоўскага — заснаваны ў галіне сацыяльных і гуманітарных навук.

Унікальная выстаўка «Мая Беларусь» адчыніла дзверы для наведвальнікаў у Мінскім міжнародным выставачным цэнтры. Экспазіцыя адлюстроўвае дасягненні незалежнай Беларусі ў розных сферах дзейнасці: касмічнай, навуковай, спартыўнай, харчовай і іншых.