Сеткавае выданне zviazda.by

Як звярнула ўвагу ў размове з журналістамі Старшыня Савета Рэспублікі Наталля Качанава, пытанні, з якімі падчас сустрэч у калектывах да давераных асоб звярталіся грамадзяне, былі рознага характару. «Каля трэці з усіх пытанняў былі агульнага парадку, на іх давераныя асобы давалі тлумачэнні адразу падчас сустрэч, — удакладніла яна. — Каля 30 % зваротаў датычыліся рэспубліканскіх органаў улады. Мы накіравалі туды гэтыя прапановы. Былі пытанні, якія датычацца нашых рэгіёнаў: гэта пытанні добраўпарадкавання, аховы здароўя, сістэмы адукацыі. Цяпер мы будзе адсочваць іх выкананне. Прэзідэнт нашай краіны даручыў нам трымаць гэтыя звароты на кантролі».

Старшыня Мінскага гарвыканкама Уладзімір Кухараў правёў выязныя нарады, на якіх азнаёміўся з ходам будаўніцтва новых сацыяльных аб’ектаў. У бліжэйшай будучыні мінчане змогуць адпачыць у новым фізкультурна-аздараўленчым комплексе па вуліцы Янкі Лучыны, а таксама атрымаць якасную медыцынскую дапамогу ў сучаснай інфекцыйнай бальніцы.

Са студзеня прыбаўку да зарплаты атрымаюць урачы-спецыялісты. Як адзначыў намеснік міністра аховы здароўя Аляксандр Старавойтаў, надбаўкі, што павышаюць заработную плату, уводзяцца рэгулярна і гэта з’яўляецца адной са стымуляцыйных мер падтрымкі медыцынскіх работнікаў.

Гандаль — адна з самых важных сфер у нашым жыцці, і ўвага грамадскасці адпаведная. Асабліва да гандлю ў невялікіх населеных пунктах, на чым неаднойчы факусіраваўся Прэзідэнт. «Мы ўсяляк падтрымлівалі і будзем падтрымліваць вёску. Менавіта ў абслугоўванні жыхароў вёсак і маленькіх пасёлкаў заключаецца сацыяльная роля спажывецкай кааперацыі. У тым ліку і па якасці вашай працы людзі ацэньваюць усю вертыкаль улады. Гэта значыць, вы аблічча гэтай улады. І гэта народная ацэнка павінна быць толькі станоўчай», — паставіў Аляксандр Лукашэнка задачу перад удзельнікамі агульнага сходу Белкаапсаюза.

З узмацненнем халадоў павялічваецца колькасць пажараў у жылым сектары. Сярод асноўных прычын — неасцярожнае абыходжанне з агнём і парушэнне правілаў устройства і эксплуатацыі пячнога ацяплення, а таксама газавых пліт і балонаў са звадкаваным газам.

Як паведамілі ў тэлеграм-канале Следчага камітэта, трагедыя адбылася ў мінулую нядзелю ўвечары ў вёсцы Лугавая Вірня Жлобінскага раёна. Папярэдняе следства ўстанавіла, што ў гэты час у адным з прыватных дамоў выбухнуў, як мяркуецца, кіслародны балон. У выніку здарэння загінулі двое малалетніх дзяцей (аднаго і трох гадоў) і 35-гадовы мужчына. Яго жонка і шасцігадовы сын у цяжкім стане дастаўлены ў бальніцу.

Арэнднае жыллё ў Мінску заўсёды карыстаецца вялікім попытам. Студэнты і госці горада штодня маніторыць шматлікія сайты аб’яў, каб знайсці выгадную прапанову аб здачы кватэры. Ашуканцы актыўна карыстаюцца гэтым у сваіх карыслівых і нават злачынных мэтах. Пра тое, як не стаць ахвярай аферыстаў, расказаў намеснік начальніка Партызанскага РУУС Мінска—начальнік крымінальнай міліцыі Вадзім Грыб.

Міністр замежных спраў Беларусі Максім Рыжанкоў заклікаў свайго польскага калегу, які заклапаціўся беларускімі выбарамі, не соваць свой нос, куды не варта. Пра гэта ён заявіў у навінавым эфіры тэлеканала «Беларусь 1», паведамляе БелТА.

Канцэрн «Беллегпрам» стварае новую экіпіроўку для каманды «МАЗ-СПОРТаўта». Куратарамі праекта выступаюць вядомыя беларускія дызайнеры — галоўны мастак-мадэльер Дызайн-цэнтра ААТ «Камволь» Эльвіра Жвікава і мадэльер-дызайнер брэнда LEMONGRASS Алена Брыцька.

У прывітанні, якое дэлегатам з’езда накіраваў Прэзідэнт Аляксандр Лукашэнка, адзначаецца, што гэта сапраўды маштабны форум, які аб’ядноўвае беларусаў усіх прафесій і працягвае найлепшыя традыцыі прафсаюзнага руху. «Сёння Федэрацыя робіць значны ўнёсак ва ўмацаванне суверэннай і незалежнай Беларусі, адстойвае прынцыпы сацыяльнай справядлівасці і роўнасці ў новай мадэлі грамадскага развіцця. Вырашэнне працоўных спрэчак, дапамога ў стварэнні належных умоў працы, удасканаленне заканадаўства ў інтарэсах чалавека працы забяспечылі вам высокі давер нашых людзей», — адзначыў Прэзідэнт. Ён таксама выказаў перакананне, што ў аб’яўленай пяцігодцы якасці аўтарытэт Федэрацыі дасць магчымасць і ў далейшым паспяхова абараняць правы працоўных, павышаць якасць іх жыцця, захоўваць адзінства і згоду на роднай зямлі.