Сеткавае выданне zviazda.by

Зыходзячы з аналізу гідраметэаралагічнай абстаноўкі, можна меркаваць, што разводдзе на рэках краіны сёлета будзе невысокім. Значэнне максімальных узроўняў чакаецца блізкім да сярэдніх шматгадовых і ніжэйшым за іх, заявіла начальнік аддзела гідралагічных прагнозаў службы гідралогіі і аграметэаралогіі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Алена Зубчонак.

Тэма размеркавання паўнамоцтваў і вызначэння кампетэнцый старшынь выканкамаў базавага ўзроўню, якая ўзнімалася на мінулым тыдні падчас нарады ў Прэзідэнта і вынікам якой стала навіна аб з’яўленні ў хуткім часе адпаведнага ўказа кіраўніка дзяржавы, асабліва актыўна абмяркоўваецца на месцах. Гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб дазволіць пазбегнуць спрэчак наконт ведамаснай падпарадкаванасці і межаў кампетэнцыі. Аб гэтым гаварыў Прэзідэнт, гэта выдатна разумеюць і прадстаўнікі мясцовай улады, і выканаўчай, і заканадаўчай, бо, як правіла, выканкамы і саветы ў сваім рэгіёне разам вырашаюць пастаўленыя задачы, разам працуюць на развіццё тэрыторыі і дабрабыт людзей. З прадстаўнікамі заканадаўчай улады рознага ўзроўню карэспандэнты МС і пагутарылі аб гэтым.

Генеолагі ведаюць, што для складання кароткай біяграфіі любога чалавека дастаткова метрычных кніг, у якіх ёсць запісы пра самыя важныя для яго і грамадства падзеі — нараджэнне, вянчанне і смерць. Супрацоўнікі Літаратурнага музея Максіма Багдановіча пагаджаюцца з даследчыкамі і з радасцю прымаюць дамапогу ў адшуканні новых звестак да радаводу класіка беларускай літаратуры, а таксама праводзяць генеалагічныя росшукі самі. Ніжэй толькі некалькі прыкладаў, якія тычацца беларускіх пісьменнікаў і іх родных.

Міністр замежных спраў Беларусі Максім Рыжанкоў заклікаў свайго польскага калегу, які заклапаціўся беларускімі выбарамі, не соваць свой нос, куды не варта. Пра гэта ён заявіў у навінавым эфіры тэлеканала «Беларусь 1», паведамляе БелТА.

8 студзеня ў зале Палаца Рэспублікі з удзелам кіраўніка краіны адбылася ўрачыстая цырымонія ўзнагароджання прэміямі «За духоўнае адраджэнне», спецыяльнымі прэміямі дзеячам культуры і мастацтва і спецыяльнымі прэміямі «Беларускі спартыўны Алімп». Сціслае, але ёмістае і моцнае выступленне Аляксандра Лукашэнкі, якое ахоплівае час цяперашні (з геапалітычнымі гульнямі навокал) і нашу будучыню (як далей жыць будзем), як кажуць, разляцелася на цытаты. Самыя цікавыя выказванні экспертаў, агучаныя ў медыяпрасторы, — у нашым матэрыяле.

У час афіцыйнага візіту ў Рэспубліку Саюз М’янма 9 студзеня прайшлі перагаворы міністра замежных спраў Рэспублікі Беларусь Максіма Рыжанкова з намеснікам прэм’ер-міністра, саюзным міністрам замежных спраў М’янмы Тан Свэ. Аб гэтым БелТА расказалі ў беларускім знешнепалітычным ведамстве.

Дэлегацыя Беларусі на чале з міністрам замежных спраў Максімам Рыжанковым наведвае М’янму. Пра гэта паведамілі ў прэс-службе МЗС Беларусі.