Сеткавае выданне zviazda.by

На мінулым тыдні беларускі біятлон неверагодна парадаваў сваіх аматараў. На базе Рэспубліканскага цэнтра алімпійскай падрыхтоўкі па зімовых відах спорту «Раўбічы» прайшоў Кубак наймацнейшых спартсменаў. Ужо сам факт правядзення гэтага турніру прынёс радасць, у Беларусі, шчыра кажучы, засумавалі па прыгожаму біятлону. А нашы спартсмены памножылі добры настрой і ўражанні — беларускія біятланісты заваявалі 12 узнагарод Кубка. Каб дадаць пазітыву і самім героям спаборніцтваў, у «Раўбічах» прайшло ўшанаванне спартсменаў, трэнераў і спецыялістаў, без якіх свята спорту было б немагчымым.

Мінск прымае Кубак мацнейшых па канькабежным спорце. 30 найлепшых беларускіх і 30 расійскіх спартсменаў на працягу трох дзён будуць паказваць сваё майстэрства і здзіўляць хуткасцямі. Арганізатары абяцаюць не толькі захапляльныя спаборніцтвы, але і яркае шоу. Даведаліся падрабязнасці.

Турнір тыдня. У «Раўбічах» завяршыўся галоўны старт сезона-2024/25 для беларускіх біятланістаў — Кубак мацнейшых спартсменаў. На дамашнім старце беларусы заваявалі 12 медалёў — па чатыры кожнай вартасці. Тры залатыя медалі сабраў Антон Смольскі, ён перамог у спрынце, пасьюце і мас-старце. Дзінара Смольская заваявала «серабро» ў спрынце і гонцы пераследавання. Дзмітрый Лазоўскі заняў другое месца ў мас-старце. Ілья Аўсеенка заняў трэцяе месца ў спрынтарскай гонцы, Сцяпан Данілаў — у гонцы пераследавання, Ірына Шаклеіна — у мас-старце. Акрамя таго, сямейны дуэт Дзінары і Антона Смольскіх перамог у сінгл-міксце, а Ганна Сола і Ілья Аўсеенка сталі ў гэтым відзе праграмы другімі. Гэтая чацвёрка таксама заняла трэцяе месца па выніках змешанай эстафеты. З такім выдатным выступленнем нашу каманду павіншаваў кіраўнік дзяржавы.

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Сельскагаспадарчыя тэматыка ў цэнтры ўвагі кіраўніка дзяржавы не толькі ў перыяд пасяўной ці ўборачнай кампаній, а пастаянна. Ён неаднаразова падкрэсліваў, што ад працы на вёсцы залежыць дабрабыт краіны. А праца тут ідзе пастаянна, нягледзячы на сезон і тэмпературу на вуліцы. Нюансаў і пытанняў мноства, і кожнае з іх важнае. Арганізацыі сельскагспадарчай працы ў зімовы перыяд была прысвечана рабочая паездка Прэзідэнта Беларусі Аляксандра Лукашэнкі ў Мінскую вобласць. У прыватнасці ён наведаў РУП «Шыпяны-АСК» у Смалявіцкім раёне. Фармат гэтай прэзідэнцкай камандзіроўкі нестандартны — выязны семінар для службовых асоб, якія з’яўляюцца ўпаўнаважанымі прадстаўнікамі кіраўніка дзяржавы ў розных рэгіёнах, а таксама для памочнікаў Прэзідэнта ў абласцях, кіраўнікоў навукова-практычных цэнтраў НАН па земляробстве і жывёлагадоўлі.

Рабочы тыдзень Прэзідэнта Беларусі Аляксандр Лукашэнкі пачаўся з сяброўскай сустрэчы. У Палац Незалежнасці завітаў губернатар Свярдлоўскай вобласці Яўген Куйвашаў. І хоць сустрэча сяброўская, размова была плённая, на перспектыву.

Традыцыі суверэннай Беларусі ўнікальныя і моцныя, патрабуюць увагі і павагі. Адна з іх — уручэнне ў Палацы Незалежнасці дзяржаўных узнагарод і генеральскіх пагонаў прадстаўнікам вышэйшага афіцэрскага саставу напярэдадні Дня абаронцаў Айчыны і Узброеных Сіл Рэспублікі Беларусь. Як заўважыў Прэзідэнт Беларусі Аляксандр Лукашэнка, гэта цырымонія — асаблівая традыцыя. Яна звязана са святам, якое шануе беларускі народ.

Пасля цырымоніі ўзнагароджання і ўручэння генеральскіх пагонаў у Палацы Незалежнасці прайшло яшчэ адно традыцыйнае мерапрыемства. Гэта традыцыя хоць і не прымеркаваная да пэўнай даты, але радасці і добрага настрою дае не менш — экскурсія ў Палац Незалежнасці. Гэтым разам ён адчыніў свае дзверы для супрацоўнікаў Міністэрства сувязі інфарматызацыі і падведамасных арганізацый. Экскурсія стала своеасаблівым падарункам — у студзені Міністэрства адзначыла 70 гадоў са дня ўтварэння.

У Палацы Незалежнасці — замежныя госці. Прэзідэнт Беларусі Аляксандр Лукашэнка сустрэўся з фельдмаршалам і вярхоўным галоўнакамандуючым Лівійскай нацыянальнай арміяй Халіфам Белкасім Хафтарам. Лівійская дэлегацыя гэтымі днямі знаходзіцца ў Беларусі з мэтай наладжвання супрацоўніцтва з Беларуссю ў эканамічнай, гуманітарнай і сацыяльнай сферах.

Член Пастаяннай камісіі па міжнародных справах і нацыянальнай бяспецы Алег Румо ў рэжыме відэаканферэнцыі прыняў удзел у каардынацыйнай нарадзе кіраўнікоў парламенцкіх дэлегацый дзяржаў — членаў АДКБ у Парламенцкай асамблеі Арганізацыі па бяспецы і супрацоўніцтве ў Еўропе. Асноўнай тэмай мерапрыемства стала падрыхтоўка да ўдзелу ў 24-м зімовым пасяджэнні ПА АБСЕ ў Вене (Аўстрыйская Рэспубліка). Разгледжаны парадак дня пасяджэння і пытанні каардынацыі знешнепалітычнай дзейнасці парламенцкіх дэлегацый дзяржаў — членаў АДКБ у Парламенцкай Асамблеі АБСЕ.