Навiны
Паўночная Атлантыда
Доўгі час тэрыторыя паўночнай Беларусі была белай плямай на археалагічнай карце перыяду неаліту — бронзавага веку. У параўнанні з іншымі рэгіёнамі тут знаходзілі вельмі мала археалагічных помнікаў гэтага перыяду. Нават выказваліся версіі, а ці не было тут якіх эпідэмій, з-за якіх людзі не хацелі сяліцца. Але раскопкі на тэрыторыі Крывінскага тарфяніка, якія знаходзіцца на тэрыторыі Бешанковіцкага і Сеннецкага раёнаў дапамаглі раскрыць сакрэты Паазер’я. Рэшткі старажытных паселішч проста раней не там шукалі. Яны знаходзяцца ці пад вадой, ці пад пластом торфу. Таму загадчык аддзела археалогіі першабытнага грамадства Інстытута гісторыі НАН Беларусі Максім Чарняўскі называе іх Паўночнай Атлантыдай.
Што расказалі археолагам апошнія раскопкі ў Крэўскім замку?
У гэтым годзе археалагічны сезон у Крэве пачаўся рана — яшчэ ў лютым. Гэтыя месяцы працы дакладна не прайшлі дарма: раскопкі канчаткова пацвердзілі наяўнасць трэцяй вежы, а таксама ўказалі на сляды нападу на крэпасць у 1433 годзе. Аб нечаканых адкрыццях у Крэўскім замку расказвае вядучы навуковы супрацоўнік аддзела гісторыі Беларусі IX—XVIII стагоддзяў і археаграфіі Інстытута гісторыі НАН Беларусі кандыдат гістарычных навук Алег Дзярновіч.
Таямніцы беларускай сталіцы: як археолагі пазбаўляюцца ад «белых плям»
Зусім недалёка ад МКАД, у вёсцы Гарадзішча, цяпер знаходзіцца археалагічны комплекс. Менавіта там цячэ рака Менка і там быў заснаваны горад, што сёння з’яўляецца сталіцай нашай краіны.
У Заслаўі пачаліся археалагічныя раскопкі на тэрыторыі замка
З першых дзён чэрвеня пачаліся палявыя работы на тэрыторыі Заслаўскага замка (гісторыка-культурная каштоўнасць «Гарадзішча Вал») — аб’екце, які мае асаблівае значэнне для гісторыі Беларусі. Археолагі прыступілі да расчысткі праезду ў браму замка з мэтай яго далейшай кансервацыі і музеефікацыі.
