Сеткавае выданне zviazda.by

Па словах начальніка Цэнтра ўзаемадзеяння з грамадскасцю і СМІ Міністэрства па надзвычайных сітуацыях Максіма Клачко, з пачатку года ў краіне адбылося 2528 пажараў, што на 20 працэнтаў больш, чым за той жа перыяд годам раней. Ахвярамі агню сталі 246 чалавек — рост склаў 16 працэнтаў: «Асноўнымі прычынамі ўзнікнення пажараў у быце з’яўляюцца парушэнні правілаў эксплуатацыі электрасетак і электраабсталявання (34 працэнты ад агульнай колькасці), печаў (28 працэнтаў) і неасцярожнае абыходжанне з агнём (28,1 працэнта)».

Супрацьдзеянне пагрозам на знешніх граніцах у Цэнтральна-Азіяцкім рэгіёне стала галоўнай тэмай дзявятай рэгіянальнай нарады кіраўнікоў пагранічных ведамстваў дзяржаў — удзельніц СНД, якая адбылася 8 красавіка ў Таджыкістане. Аб гэтым карэспандэнту «Звязды» паведамілі ў Дзяржаўным пагранічным камітэце.

Эфектыўнасць работы рухавіка напрамую залежыць ад сістэмы астуджэння, асабліва ў гарачы сезон. Аўтаэксперт Павел Максімаў патлумачыў, чаму рэвізія антыфрызу — гэта пытанне выжывання вашага матора і што ўладальніку машыны неабходна абавязкова праверыць.

Пытанне інфармацыйнай бяспекі дзяцей знаходзіцца пад пільнай увагай з боку дзяржавы. Аб гэтым расказала намеснік начальніка ўпраўлення выхаваўчай і сацыяльнай работы галоўнага ўпраўлення ідэалагічнай, выхаваўчай работы і маладзёжнай палітыкі Міністэрства адукацыі Алена Сімакова, паведамляе БелТА.

Сучасныя лічбавыя тэхналогіі і медыяасяроддзе аказваюць значны ўплыў на фарміраванне асобы падлеткаў, іх псіхалагічны стан і сістэму каштоўнасцяў, якая фарміруецца. Пытанні інфармацыйнай бяспекі дзяцей, адказнасці бацькоў і эфектыўнага ўзаемадзеяння дзяржаўных органаў сёння набываюць асаблівую актуальнасць. Пад пагрозай не толькі дабрабыт сям’і (пачасціліся выпадкі, калі дзеці і падлеткі аддаюць кібермахлярам усе зберажэнні), але і здароўе, а часам, нават, і жыццё дзіцяці.

Прыгатаваны па класічным рэцэпце куліч можна трымаць у халадзільніку не больш за 10 дзён, пры пакаёвай тэмпературы не даўжэй за 5 дзён.

3-я Міжнародная выстава «Нацыянальная бяспека. Беларусь-2026» пройдзе ў беларускай сталіцы 17—19 чэрвеня, паведамілі арганізатары. 

Напярэдадні адразу дзвюх вялікіх хрысціянскіх свят — Вербнай нядзелі і Вялікадня — Міністэрствам унутраных спраў прыняты комплекс дадатковых мер для падтрымання грамадскай бяспекі і аператыўнай гатоўнасці да любых няштатных сітуацый.