Сеткавае выданне zviazda.by

На тэрыторыі Віцебскай вобласці функцыянуюць 25 тэрытарыяльных цэнтраў сацыяльнага абслугоўвання насельніцтва. У кожнага — свае метады і формы работы з падапечнымі, аднак Пастаўскі ТЦСАН, безумоўна, можна назваць лідарам у якасці аказання паслуг пажылым і інвалідам, бо не першы год установа становіцца найлепшай у краіне. Па выніках мінулага года калектыў сацыяльных работнікаў з Пастаў таксама названы пераможцам спаборніцтваў у сферы сацыяльнага абслугоўвання.

Беларускія і расійскія вучоныя будуць супрацоўнічаць у сферы рабатызацыі ферм і працэсаў у садаводстве. Пра гэта паведаміў падчас выязнога прэс-тура генеральны дырэктар Навукова-практычнага цэнтра Нацыянальнай акадэміі навук (НПЦ НАН) Беларусі па механізацыі сельскай гаспадаркі Дзмітрый Комлач.

Узровень медыцынскіх паслуг, асабліва ў сельскіх населеных пунктах, заўсёды знаходзіцца ў полі зроку кіраўніцтва дзяржавы. Штогод у краіне адкрываюць новыя ўстановы аховы здароўя з сучасным тэхналагічным абсталяваннем, пазітыўныя змяненні закранаюць і фельчарска-акушэрскія пункты, якія з’яўляюцца для вяскоўцаў першым і часам адзіным пунктам хуткай медыцынскай дапамогі.

Лельчыцкі раён — адзін з уключаных у склад праграмы развіцця раёнаў Прыпяцкага Палесся — цяпер, сапраўды, перажывае абнаўленне ў самых розных сферах. Маштабная мадэрнізацыя закранула ў тым ліку цеплавую гаспадарку раёна. Сёння ў Лельчыцах рэалізуюць знакавы для райцэнтра праект — рэканструкцыю цэнтральнай кацельні.

ААТ «Баранавічхлебапрадукт» — адно з найбуйнейшых прадпрыемстваў краіны па вырабе мукі і камбікармоў. Нехта, магчыма, уяўляе падобны камбінат у выглядзе вялікага млына, што перапрацоўвае за дзень 150 тон збожжа на муку ды фасуе яе ў розную тару. Насамрэч гэта не так. Камбінат хлебапрадуктаў — вялікае разгалінаванае прадпрыемства, у склад якога ўваходзяць нават вытворчыя сельскагаспадарчыя ўчасткі. Усяго на прадпрыемстве занята больш за 930 чалавек.

Калісьці ў нетрах зямлі шукалі золата, потым — нафту. Сёння і першае, і другое па-ранейшаму ў цане, але даражэй за золата і нават за «чорнае золата» з азвіццём тэхналогій сталі рэдказямельныя металы, пошукамі якіх кіраўнік дзяржавы даручыў заняцца беларускім геолагам. Разбіраемся, чаму яны настолькі каштоўныя, ці ёсць такія ў беларускай зямлі і што яшчэ можна знайсці ў нашых нетрах.

Этнографы мяркуюць, што менавіта культура вырошчвання лёну шмат у чым сфарміравала беларускую ментальнасць: дакладнасць і адказнасць, уменне «трымаць удар» і дамагацца мэты, якім бы доўгім ні быў шлях. Капрызны і пераборлівы, лён дае ўраджай на адным полі толькі раз на сем гадоў, патрабуе глыбокіх агранамічных ведаў, уразлівы да хвароб і шкоднікаў, больш за іншыя расліны пакутуе ад пустазелля. Стварэнне тканіны з лёну — найскладанейшы тэхналагічны працэс. Але вынік варты намаганняў. Хто пасее лён — пажне золата, казалі ў старажытнасці.

Калі гаварыць аб якасці, праверанай часам, першае, што прыходзіць на думку, напэўна, кожнаму беларусу, — Мінскі трактарны завод. Прадпрыемства з багатай гісторыяй, МТЗ сёння з’яўляецца флагманам айчыннага машынабудавання, адным з лідараў на рынках Беларусі, Расіі і іншых краін СНД па вытворчасці сельскагаспадарчай тэхнікі. Аб аўтарытэце і даверы да прадукцыі прадпрыемства гаворыць мноства ўзнагарод, сярод якіх і Дзяржаўны знак якасці Беларусі. Карэспандэнты «Звязды» наведалі МТЗ, пабывалі ў цэхах завода і пастараліся высветліць, у чым сакрэт вытворчасці трактара BELARUS; даведацца, з чаго пачынаецца якасць.

Дзякуючы распрацоўкам медыкаў і ўкараненню некаторых навацый смяротнасць ад гэтай сасудзістай катастрофы ўдалося знізіць удвая — з 20 да 10 %. У прыватнасці, тут было адкрыта адзінае ў краіне аддзяленне кароткатэрміновага знаходжання, куды хворыя з інсультам трапляюць адразу з прыёмнага пакоя. Такая рэарганізацыя дазволіла не толькі дасягнуць зніжэння паказчыка лятальнасці, але і дапамагла сэканоміць каля 300 тысяч рублёў у год.

У 2025 годзе ў Беларусі будуць распрацаваны 326 стандартаў (у тым ліку 130 ДАСТ) і змяненняў да дзеючых стандартаў у розных галінах эканомікі і сацыяльнага сектара — у прыватнасці ў галіне беспілотных транспартных сродкаў, лёгкай і харчовай прамысловасці.