Сеткавае выданне zviazda.by

Пасля алімпійскага 2024 года яго «зменшчык» у спартыўным плане здаецца спакойным для НАК Беларусі — наступная, ужо зімовая Алімпіяда — адбудзецца ў 2026-м. Аднак нядаўна адбылася знакавая падзея — новым прэзідэнтам Міжнароднага алімпійскага камітэта ўпершыню абрана жанчына. Томаса Баха на пасадзе кіраўніка МАК змяняе вядомая ў мінулым плыўчыха, двухразовая алімпійская чэмпіёнка Кірсці Ковентры з Зімбабвэ. У сувязі з гэтым ці можна беларускім спартсменам чакаць хуткага поўнага вяртання на міжнародную арэну? Пра гэта і многае іншае расказвае прэзідэнт Нацыянальнага алімпійскага камітэта Рэспублікі Беларусь Віктар Лукашэнка.

Прэзідэнт Нацыянальнага алімпійскага камітэта Беларусі Віктар Лукашэнка павіншаваў Арыну Сабаленку з перамогай на прэстыжным турніры катэгорыі WTA-1000 у Мадрыдзе, паведамілі ў прэс-службе НАК.

На мінулым тыдні беларускі біятлон неверагодна парадаваў сваіх аматараў. На базе Рэспубліканскага цэнтра алімпійскай падрыхтоўкі па зімовых відах спорту «Раўбічы» прайшоў Кубак наймацнейшых спартсменаў. Ужо сам факт правядзення гэтага турніру прынёс радасць, у Беларусі, шчыра кажучы, засумавалі па прыгожаму біятлону. А нашы спартсмены памножылі добры настрой і ўражанні — беларускія біятланісты заваявалі 12 узнагарод Кубка. Каб дадаць пазітыву і самім героям спаборніцтваў, у «Раўбічах» прайшло ўшанаванне спартсменаў, трэнераў і спецыялістаў, без якіх свята спорту было б немагчымым.

У Нацыянальным алімпійскім камітэце прайшла справаздачна-выбарная Генеральная асамблея. У штаб-кватэры НАК Беларусі сабраліся спартыўныя функцыянеры, вядучыя трэнеры і спартсмены, ветэраны спорту. На парадку дня — падвядзенне вынікаў дзейнасці НАК з 2021 па 2024 гады і выбары кіраўніцтва камітэта.