Сеткавае выданне zviazda.by

Як мы ўжо паведамлялі, Прэзідэнт падпісаў Указ «Аб удасканаленні ўступнай кампаніі». Роўныя магчымасці абітурыентам пры паступленні ва ўстановы вышэйшай і сярэдняй спецыяльнай адукацыі пры справядлівым конкурсным адборы — асноўныя мэты прыняцця гэтага дакумента. Кардынальных навацый або змяненняў дакумент не прадугледжвае. Аднак ёсць некалькі момантаў, растлумачыць якія мы папрасілі першага намесніка міністра адукацыі Аляксандра БАХАНОВІЧА.

З 1 верасня ўступілі ў сілу змены ў Кодэкс аб адукацыі. У Міністэрстве адукацыі гэты факт пракаментавалі як дашліфоўку дзеючага дакумента, што носіць тэхнічны, практычны і аператыўны характар. Заканадаўцамі і Міністэрствам адукацыі ўлічвалася ў першую чаргу правапрымяняльная практыка. У цэлым змяненні накіраваны на ўдасканаленне дзяржаўнай палітыкі ў сферы адукацыі, павышэнне яе якасці, далейшае ўмацаванне прэстыжу беларускай сістэмы адукацыі.

З 2026 года ў Беларускім дзяржаўным тэхналагічным універсітэце студэнты лясных факультэтаў будуць сумяшчаць вучобу з работай на прадпрыемствах-партнёрах.

Зразумела, што сёння меркаваць аб ходзе і выніках прыёмнай кампаніі на завочную форму навучання рана. Аднак вынікі паступлення і залічэння ў ходзе прыёмнай кампаніі на дзённае навучанне даюць падставы думаць, што яны будуць станоўчыя. Сёлета 3 000 студэнтаў выбралі аграрныя спецыяльнасці, аднавіўшы такім чынам гістарычны максімум. Напрыклад, у БДАТУ сярэдні конкурс павялічыўся практычна ў 1,4 раза і склаў 1,5 чалавека на месца. Пры плане прыёму 465 бюджэтных месцаў было пададзена 710 заяў ад абітурыентаў, прахадныя балы па спецыяльнасцях узраслі ў 1,1–1,4 раза. У Міністэрстве адукацыі разлічваюць, што на завочную форму навучання ў лістападзе—снежні паступяць каля 2 400 студэнтаў, прычым палова з іх — на бюджэтныя месцы.

Да 25 кастрычніка ўключна Беларускі нацыянальны тэхнічны ўніверсітэт будзе эпіцэнтрам маштабнай падзеі — тут праходзіць ХІV Форум ВНУ інжынерна-тэхналагічнага профілю Саюзнай дзяржавы. Мерапрыемства сабрала звыш тысячы навукоўцаў, спецыялістаў, студэнтаў, магістрантаў і аспірантаў з больш чым 40 ВНУ Беларусі, Расіі, Узбекістана і іншых краін.

Для абітурыентаў працягваюць распрацоўваць сэрвісы, якія робяць працэс паступлення больш зразумелым і зручным. Так, у Беларусі прыступаюць да паэтапнага ўкаранення электронных сертыфікатаў ЦЭ і ЦТ. Анлайн-дакумент змогуць атрымаць удзельнікі будучай уступнай кампаніі. Маштабнае ўкараненне электроннай чаргі і сертыфікатаў стане важным крокам да стварэння адзінай базы абітурыентаў, тлумачыць дырэктар Рэспубліканскага інстытута кантролю ведаў Дзмітрый Міронаў.

На 5 дзён беларуская сталіца стане цэнтрам інжынерна-тэхналагічнай думкі. З 21 да 25 кастрычніка 2025 года ў БНТУ пройдзе ХІV Форум ВНУ інжынерна-тэхналагічнага профілю Саюзнай дзяржавы. Гэта падзея стане ўнікальнай пляцоўкай для ўзаемадзеяння вядучых навучальных устаноў, вучоных і студэнтаў з Расіі і Беларусі, якія аб’ядналі агульныя інтарэсы ў сферы інжынерыі і сучасных тэхналогій.

Юрфак БДУ, які сёлета адзначае 100-гадовы юбілей, адыгрывае ключавую ролю ў падрыхтоўцы высокакваліфікаваных спецыялістаў, развіцці айчыннай прававой навукі і станаўленні беларускай школы права. За векавую гісторыю яго выпускнікамі сталі больш за 35 тысяч юрыстаў.

Праз некалькі дзён краіна адзначыць адно з самых важных, значных і ў той жа час душэўных свят — Дзень настаўніка. Настаўнік — гэта не толькі пра веды, якія ён дае нашым дзецям. Гэта пра тое, што ён разам з намі гадуе іх, выхоўвае і робіць усё, каб кожны выпускнік знайшоў сваё месца ў жыцці.

Міністэрства адукацыі адпаведнай пастановай зацвердзіла графік правядзення ЦТ. У адукацыйным ведамстве праінфармавалі аб асноўных датах правядзення экзаменаў. Такім чынам, 29 мая абітурыенты будуць здаваць беларускую і рускую мовы. 26 мая і 5 чэрвеня — чарга па грамадазнаўства, хімію, фізіку, гісторыю Беларусі ў кантэксце сусветнай гісторыі. Матэматыку, біялогію, геаграфію, замежную мову (англійская, нямецкая, французская, іспанская, кітайская) абітурыенты будуць здаваць 26 мая і 2 чэрвеня.