Сеткавае выданне zviazda.by

Iгар Сергяенка правёў асабiсты прыём грамадзян у Шаркаўшчынскiм райвыканкаме. Ён адзначыў, што пытаннi, з якiмi прыходзiлi людзi, умоўна можна падзялiць на два блокi: добраўпарадкаванне дарог, дамоў i электрыфiкацыя. Прычым пераход на электраацяпленне хвалюе жыхароў не толькi Вiцебшчыны, але i iншых абласцей. «Частка пытанняў на сёння не знайшла вырашэння праз тэхнiчныя магчымасцi, але ёсць iншыя варыянты — газ. Вяртаючыся да асфальтавання, у кожным раёне распрацаваны канкрэтны план з улiкам фактычнага стану дарог, у некаторых выпадках можа знайсцiся iндывiдуальнае рашэнне, у большасцi — добраўпарадкаванне дарожнай сеткi iдзе па плане», — сказаў спiкер.

У склад Лепельскай выбарчай акругі № 23 уваходзяць Бешанковіцкі, Чашніцкі і Лепельскі раёны з агульнай колькасцю выбаршчыкаў больш за 60300 чалавек. Член Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў Нацыянальнага сходу Віктар Азаронак расказаў аб тым, чым жыве акруга і якія добрыя справы ўжо ўдалося рэалізаваць.

Здараецца, што людзі, звычайнае жыццё якіх перарвала інваліднасць, поўнасцю губляюць сэнс жыць далей, апускаючы рукі. Аднак у Віцебскай абласной арганізацыі грамадскага аб’яднання «Беларускае таварыства інвалідаў» добра ведаюць, як пераўтварыць абмежаванасць здароўя ў перавагу і знайсці сябе, бо менавіта ў горадзе на Дзвіне дзейнічае адзіная ў Беларусі каманда па футболе на электракалясках.

У ліпені ў горадзе на Дзвіне зноў загучаць перазвоны Міжнароднага фестывалю мастацтваў «Славянскі базар у Віцебску» — свята, якое гаворыць з людзьмі розных нацыянальнасцяў на мове міру і гармоніі, аб’ядноўваючы на гасціннай віцебскай зямлі народы, культуры і мастацтва. Сёлета арганізатары падрыхтавалі традыцыйна насычаную праграму, таму кожны ахвотны зможа знайсці сабе падзею па душы.

Абласны план мерапрыемстваў Года добраўпарадкавання ўключае шматлікія працоўныя акцыі і дэсанты на тэрыторыі мемарыялаў, у памятных і знакавых месцах, азеляненне населеных пунктаў. Працягнецца рамонт вулічна-дарожнай сеткі, стаянак і парковак, спартыўных і дзіцячых гульнявых пляцовак. Важныя кірункі — водазабеспячэнне, уцягванне ў гаспадарчы абарот невыкарыстоўвальных зямельных участкаў, навядзенне парадку на вытворчых аб’ектах.

12 красавіка ўся краіна выйдзе на Рэспубліканскі суботнік. Як правіла, праходзіць ён масава, арганізавана, рэзультатыўна. Людзі працуюць з ахвотай: талака — наша, беларускае слова, а навесці парадак, зрабіць месца, дзе жывеш, прыгажэйшым, можна сказаць, — нацыянальная традыцыя. Таму многія, акрамя ўдзелу ў важным мерапрыемстве рэспубліканскага маштабу, ладзяць, вобразна кажучы, суботнікі па закліку сэрца. Дзякуючы нераўнадушным энтузіястам, збіраюцца самі, працуюць разам, робяць сваю радзіму чыстай і ўтульнай. І так па ўсёй краіне, у чым і пераканаліся нашы карэспандэнты.

Па выніках мінулага года Віцебская вобласць дасягнула рэкорднага паказчыку па экспарту турыстычных паслуг — больш за 25 мільёнаў долараў. Шматлікіх гасцей паўночнага рэгіёна цікавяць розныя напрамкі — ад аздараўленчага да рэлігійнага турызму. Аднак у трэндах Падзвіння застаецца прамысловы. І хоць месячнік яго падыходзіць да завяршэння, у Віцебскім раёне шмат цікавых прадпрыемстваў, якія запрашаюць ахвотных круглы год.

Супрацоўніцтва і сувязі паміж рэгіянальнымі суб’ектамі Саюзнай дзяржавы — тое, што дапамагае дзвюм краінам паспяхова пераадольваць усе выклікі апошняга часу. Аб гэтым неаднойчы гаварыў Прэзідэнт Беларусі Аляксандр Лукашэнка. «Самая вялікая каштоўнасць — найтанчэйшыя капіляры чалавечых адносін, агульная гісторыя, культура, менталітэт, традыцыйны погляд на сям’ю, шанаванне старэйшых, вялізныя перспектывы і падтрымка моладзі. Таму нават у самыя цяжкія для Беларусі і Расіі часы кантакты на ўзроўні рэгіёнаў актыўна развіваліся. Гэта дапамагло нам выстаяць ва ўмовах развалу дзяржаўнасці і разрыву ўстояных эканамічных сувязяў пасля распаду вялікай краіны», — сказаў беларускі лідар у відэазвароце да ўдзельнікаў Х Форуму рэгіёнаў Беларусі і Расіі, які адбыўся ва Уфе ў 2023 годзе. Сяброўства і супрацоўніцтва рэгіёнаў нашых краін актыўна развіваецца. Штогод падчас Форуму рэгіёнаў (сёлета ён будзе праходзіць у Ніжнім Ноўгарадзе, летась яго прымала Віцебшчына) заключаюцца мільённыя кантракты, наладжваюцца ўзаемавыгадныя сувязі. Але і па-за межамі гэтага важнага мерапрыемства рэгіёны шукаюць і знаходзяць важныя пункты судакранання. Бо найтанчэйшыя капіляры чалавечых адносін сілкуюць адзін аднаго заўсёды.

На тэрыторыі Віцебскай вобласці функцыянуюць 25 тэрытарыяльных цэнтраў сацыяльнага абслугоўвання насельніцтва. У кожнага — свае метады і формы работы з падапечнымі, аднак Пастаўскі ТЦСАН, безумоўна, можна назваць лідарам у якасці аказання паслуг пажылым і інвалідам, бо не першы год установа становіцца найлепшай у краіне. Па выніках мінулага года калектыў сацыяльных работнікаў з Пастаў таксама названы пераможцам спаборніцтваў у сферы сацыяльнага абслугоўвання.

Напярэдадні Дня яднання народаў Беларусі і Расіі звыш 3,5 тоны гуманітарнага грузу ў рамках рэспубліканскай дабрачыннай акцыі «Спіна да спіны» ратавальнікі і актывісты Віцебскай абласной арганізацыі ГА «Белая Русь» перадалі жыхарам рэгіёнаў Расійскай Федэрацыі, якія пацярпелі ад баявых дзеянняў.