Сеткавае выданне zviazda.by

З першых дзён вясны ў садаводаў і дачнікаў пачынаецца гарачая пара. Неабходна падрыхтаваць участак да сяўбы: прыбраць леташнія смецце і лісце, апрацаваць глебу. Але галоўная работа пакуль у садзе, якому трэба дапамагчы выйсці з зімоўкі.

У гэты перыяд рэкамендуецца высаджваць таматы, перцы і баклажаны — яны доўга ўзыходзяць і павольна растуць, таму ранні старт ім неабходны. Высейваюць раннюю моркву, радыску, буракі, гарох, цыбулю-чарнушку, а таксама разнастайную зеляніну — кроп, пятрушку, пастарнак, ліставую салату. Гэта холадаўстойлівыя культуры, якія добра пераносяць невялікія замаразкі. Адзіная ўмова — прагрэў глебы да 3–10 °С, без якога насенне не пачне прарастаць.