Сеткавае выданне zviazda.by

У БДУ Ніна Фральцова працавала з 1975 года. Уваходзіла ў штат выкладчыкаў кафедраў тэлебачання і радыёвяшчання, тэхналогій камунікацыі, тэорыі і метадалогіі журналістыкі. Пачынаючы з 2019 года і практычна да самага апошняга дня, працавала прафесарам кафедры медыялогіі. На працягу доўгіх гадоў вяла дысцыпліны «Тэорыя журналістыкі», «Тэорыя і практыка журналістыкі», «Тэорыя медыя», «Тэорыя медыя і масавых камунікацый».

Хваробы сардэчна-сасудзістай сістэмы займаюць лідзіруючае месца ў структуры захваральнасці і смяротнасці ў Беларусі. На іх пакутуе каля 30 % дарослага насельніцтва, прычым большасць з іх (60-65 %) маюць ішэмічную хваробу сэрца (ІХС). Інфаркт міякарда — самая цяжкая і распаўсюджаная форма вострай ІХС. Пры гэтым, як адзначаюць спецыялісты, яго можна паспрабаваць папярэдзіць і звесці рызыкі да мінімуму. Якія меры дазволяць захаваць здароўе сэрца і пазбегнуць інфаркту, расказала ўрач-гігіеніст аддзела грамадскага здароўя Мінскага абласнога цэнтра гігіены, эпідэміялогіі і грамадскага здароўя Аліна Мядзведзь.

«Ад таго, як працуе фінансавая сістэма, шмат у чым залежыць тое, як функцыянуе і дзяржава ў цэлым, і эканоміка ў прыватнасці», — падкрэсліў кіраўнік урада. Прэм’ер-міністр Аляксандр Турчын узяў удзел у пашыраным пасяджэнні калегіі Мінфіна, на якім былі разгледжаны вынікі выканання бюджэту за 2024 год і задачы фінансавых органаў на 2025 год.

Аб гэтым заявіла намеснік міністра эканомікі Алеся Абраменка падчас круглага стала на тэму «Будучыня ЕАЭС: Беларусь на перадавой інтэграцыйных працэсаў. Старшынства Рэспублікі Беларусь у органах ЕАЭС», які праходзіў на пляцоўцы РУП «БелТА».

Ва ўмовах, калі сусветная эканоміка не мае дастаткова магутных драйвераў росту, а аднабаковыя дзеянні і пратэкцыянізм набіраюць абароты, Кітай паставіў перад сабой мэту — дасягнуць сёлета росту ВУП прыкладна на 5%. Гэта павінна прадэманстраваць усяму свету, што КНР мае цвёрды намер прасоўваць высакаякаснае развіццё, перадае «Жэньмінь жыбаа» анлайн».

Вайна прыйшлася на маладосць таленавітага юнака з краснапольскай вёскі Высокі Барок, яму быў усяго 21 год, калі яна пачалася. Аляксей Пысін удзельнічаў у баях на Заходнім, Калінінскім, Ленінградскім, 1-м і 2-м Прыбалтыйскім франтах, быў двойчы паранены, меў баявыя ўзнагароды, у тым ліку медаль «За адвагу». Пасля вайны пачынаў працоўную біяграфію ў рэдакцыі краснапольскай раённай газеты, быў рэдактарам чэрыкаўскай раёнкі, працаваў таксама ў абласной газеце «За Радзіму», якая потым памяняла назву на «Магілёўская праўда». Пэўны час узначальваў Магілёўскае абласное аддзяленне Саюза пісьменнікаў БССР.

Установа аховы здароўя «Мастоўская цэнтральная раённая бальніца» — гонар і сэрца рэгіёна, месца са слаўнай, багатай гісторыяй. Заснаваная ў далёкім 1944 годзе, сёння Мастоўская ЦРБ спецыялізуецца на аказанні якаснай кваліфікаванай, спецыялізаванай, экстраннай і планавай медыцынскай дапамогі, задавальняючы ўсе патрэбы насельніцтва раёна. Больш падрабязна пра тое, чым сёння жыве ўстанова аховы здароўя, расказала галоўны ўрач Мастоўскай ЦРБ Лілія Садохіна.

У выніку даследчай работы ў асобную электронную базу тут сабраны грунтоўны матэрыял па тэме Вялікай Айчыннай вайны. На падставе даных былі знойдзены землякі, якія раней лічыліся зніклымі без вестак. У рамках краязнаўчай дзейнасці бібліятэкай таксама выдадзена кніга з цікавымі гістарычнымі звесткамі старажытнага мясцовага храма.

У горадзе сапраўднай творчай Меккай стаў раённы Цэнтр культуры. Тут працуюць аматарскія аб’яднанні, удзельнікі якіх займаюцца разнастайнай дэкаратыўна-прыкладной дзейнасцю. Шырокай папулярнасцю карыстаецца дзіцячая школа мастацтваў, дзе займаецца амаль паўтысячы навучэнцаў. Культурная ўстанова дапамагае кожнаму не толькі развіць творчыя здольнасці, але і найперш адкрыць іх.

У рэспубліканскім заказніку можна даведацца аб гераічным ваенным мінулым гэтых мясцін, пабываць у партызанскай зямлянцы, адкрыць для сябе дзівосны свет прыроды і атрымаць асалоду ад маляўнічага ландшафту. Дырэктар заказніка Андрэй Варабей гатовы правесці па спецыяльным пешым маршруце і расказаць аб самых знакавых мясцінах Ліпічанскай пушчы.