Сеткавае выданне zviazda.by

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Новы рабочы тыдзень у Палацы Незалежнасці пачаўся прыгожа і радасна — з уручэння дзяржаўных узнагарод жанчынам. Прэзідэнт Беларусі Аляксандр Лукашэнка. расказаў, што было некалькі варыянтаў правядзення гэтай традыцыйнай цырымоніі, але было вырашана працягнуць жаночае свята і ўручыць заслужаныя ўзнагароды пасля яго. «Я думаў, як вас назваць, пачынаючы свой зварот да вас. І абсалютна перакананы, што я зрабіў правільны выбар. Дарагія прыгажуні, сёння ў Палацы Незалежнасці пануе дзівосная атмасфера вясны, прыгажосці і радасці, таму што ў гасцях вы», — прывітаў ён гераінь дня.

Ад святочных нагод да рабочых пытанняў, хоць і з адценнем урачыстасці. Пасля ўшанавання жанчын, якія сваёй працай упрыгожваюць краіну, Прэзідэнт Беларусі Аляксандр Лукашэнка сур’ёзна пагаварыў з мужчынамі, ад якіх залежыць далейшы дабрабыт і росквіт дзяржавы.

Перамога тыдня. Уладзіслаў Казлоў выйграў маладзёжны чэмпіянат Еўропы па барацьбе, які праходзіць у Албаніі. Беларускі спартсмен стаў пераможцам у вагавой катэгорыі да 87 кг у вольнай барацьбе. Пакуль гэта адзіны медаль беларускай каманды на маладзёжным чэмпіянаце Еўропы. 12 сакавіка на дыван выйдуць барцы грэка-рымскага стылю.

У 2024 годзе Беларусь і М’янма адзначылі 25-годдзе ўстанаўлення дыпламатычных адносін. За чвэрць стагоддзя для ўмацавання адносін паміж краінамі, якія далёкія толькі геаграфічна, зроблена нямала. Наладжаны рэгулярныя міжведамасныя кантакты, развіваецца дагаворна-прававая база. Наладжаны дыялог і на найвышэйшым узроўні, пацверджаннем чаго сталі перагаворы Прэзідэнта Беларусі Аляксандра Лукашэнкі з Прэм’ер-міністрам, Старшынёй Дзяржаўнага адміністрацыйнага савета Рэспублікі Саюз М’янма Мін Аун Хлайнам.

Як падкрэсліў Ігар Сергяенка на сустрэчы з Эрболам Султанбаевым, за перыяд незалежнасці абедзвюх дзяржаў у двухбаковым фармаце зроблена нямала, актывізаваны дыялог на вышэйшым узроўні. Ігар Сергяенка заўважыў, што добрыя давяральныя адносіны склаліся і паміж кіраўнікамі дзяржаў, праходзяць рэгулярныя сустрэчы на розных міжнародных пляцоўках, арганізавана ўзаемная падтрымка. «Асабліва гэта важна ва ўмовах турбулентнасці і ваенна-палітычнай напружанасці», — падкрэсліў спікер.

Хакейны клуб «Дынама-Мінск» прама зараз стварае сваю непаўторную гісторыю на лёдзе. Восем матчаў запар на выяздзе і дома «зубры» не пакідаюць сваім сапернікамі шанцаў на перамогу. Кожны матч — непаўторны і непрадказальны. У кожнай гульні свае героі. А тым часам да заканчэння рэгулярнага чэмпіянату застаецца менш за месяц. Заўчасна «Дынама-Мінск» аформіла і выхад у плэй-оф. Гісторыя, якую хочацца зафіксаваць і запомніць.

Прызнанне праблемы — першы крок да яе вырашэння. На нядаўнім пасяджэнні выканкама Беларускай федэрацыі гандбола абмяркоўвалі самыя балючыя пытанні. Бравіраваць дасягненнямі і дакладваць аб поспехах спецыялісты БФГ не прывыклі, таму і размова была адкрытая і прынцыповая. Гэта ўжо традыцыя гандбольных выканкамаў. Захавалі і яшчэ традыцыю — праводзіць пасяджэнні ў знакавых месцах. Гэтым разам выканкам федэрацыі гандбола прымаў Мінскі аўтамабільны завод.

Новы рабочы тыдзень пачаўся з кадравых прызначэнняў у новы склад урада. Ці, як заўважыў Прэзідэнт Беларусі Аляксандр Лукашэнка, новага-старога ўрада. Некаторыя міністры атрымалі свае партфелі літаральна за некалькі месяцаў да прэзідэнцкіх выбараў, некаторыя — крыху раней, і яны працягнуць сваю работу. Як растлумачыў кіраўнік дзяржавы, гэта было зроблена для таго, каб людзі бачылі і разумелі, з кім будзе працаваць Прэзідэнт.

Гераіня тыдня. Беларуская спартсменка Васіліна Хандошка заваявала два медалі этапа Кубка свету па сінхронным плаванні ў Парыжы. Яе тэхнічную праграму суддзі ацанілі на 235,7242 бала, што прынесла Васіліне бронзавы медаль. У адвольнай праграме салістак з адзнакай 200,0726 бала беларуска заняла другое месца.