Сеткавае выданне zviazda.by

Промапраект «Калегі па Амезе» стартаваў 17 сакавіка і працягнецца да 20 красавіка.У гэты перыяд у гандлёвых аб’ектах краіны будзе арганізавана звыш 50 дэгустацый розных відаў рапсавага алею.

Тэма сямейнага гвалту час ад часу ўзнікае на старонках і рэсурсах СМІ, яе ўздымаюць на адпаведных мерапрыемствах; бывае, спецыялісты праводзяць гутаркі ў маладзёжнай альбо іншай аўдыторыі. У апошні час мы жывём, быццам бы побач нічога падобнага няма, бо ўсе гэтыя агідныя рэчы здзяйсняюцца за закрытымі дзвярыма, схаваныя ад чужых вачэй. А між тым адны толькі праваахоўнікі Брэсцкай вобласці кожны дзень у сярэднім атрымліваюць 20 паведамленняў аб фактах сямейнага гвалту.

Мэта міжведамаснага мерапрыемства — прадухіленне гібелі людзей ад пажараў і іншых знешніх прычын. Акцэнт у ходзе акцыі будзе рабіцца на абследаванні супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем’яў, у якіх дзеці знаходзяцца ў сацыяльна небяспечным становішчы. З імі правядуць тлумачальную работу аб важнасці выканання правілаў пажарнай бяспекі. Акрамя таго, грамадзян праінфармуюць аб агчымасцях дзяржаўных арганізацый па аказанні паслуг.

Пачалася актыўная работа па падрыхтоўцы Мінска да запланаваных святочных мерапрыемстваў. Асноўнай падзеяй гэтага года стане святкаванне Дня Перамогі і Дня Незалежнасці. Канцэпцыя афармлення горада сфарміравана, і цяпер ідзе яе ўвасабленне ў жыццё. У майскім афармленні сталіцы будзе пераважаць чырвона-залатая каляровая гама, якая сімвалізуе Перамогу, расказала намеснік дырэктара КПУП «Мінскрэклама» Марына Грыцава.

Сёння — дзень Хатынскай трагедыі. Адна з тых жалобных дат, якія не лечыць час. Колькі б гадоў ні мінула — боль не сціхае. І сэрца ў гэты дзень рвецца ад болю і імкнецца ў Хатынь. Каб папрасіць прабачэння ў тых, хто згарэў у тым страшным полымі, каб успомніць іх пайменна. Каб чарговы раз паклясціся ім і самім сабе, што зробім усё, каб ніколі больш «у віхуры пажараў жыццё не ўмірала»...

У канцы мінулага года Прэзідэнт Беларусі падпісаў закон, які спрашчае рэгістрацыю зямельных участкаў і здзелкі з імі, а таксама прадоўжыў да 1 студзеня 2028 года так званую зямельную амністыю. Тэма гэта ў беларусаў надзвычай надзённая, бо яшчэ цягам трох гадоў можна будзе па спрошчанай сістэме ўзаконіць самавольна занятыя кавалкі зямлі. А падобных выпадкаў па многіх прычынах (галоўная з якіх — што зямля побач з участкамі руплівых гаспадароў пуставала) у нашых вёсках нямала. І гэта пытанне — менавіта легалізацыя занятай калісьці нікому не патрэбнай на той момант зямлі — для нашых законапаслухмяных людзей надзвычай актуальнае. Прынамсі, на нядаўнім адзіным дні прыёму, які члены Савета Рэспублікі праводзілі ў Мінскай вобласці, «зямельная амністыя» была ў топе самых папулярных зваротаў.

У параўнанні з мінулым годам сёлета колькасць экспанентаў павялічылася з 311 да больш чым 500. Сярод іх акрамя рэгіёнаў Беларусі будуць прадстаўнікі рэгіёнаў Расійскай Федэрацыі, Узбекістана, Тайланда, Турцыі, Палесціны, Кіргізіі, Кубы. Упершыню ў выстаўцы возьмуць удзел Султанат Аман і Кабардзіна-Балкарская Рэспубліка. Турыстычны форум зацікавіць не толькі прафесіяналаў турыстычнага бізнесу, але і простых грамадзян. Там можна будзе знайсці прапановы адпачынку на любы густ і кашалёк.

Яшчэ ва ўсіх на слыху трагедыя на Жлобіншчыне, калі з-за выбуху балона загінулі тры чалавекі. З канчатковымі прычынамі гэтага здарэння будзе разбірацца Следчы камітэт, але ўжо цяпер зразумела, што бяды можна было б пазбегнуць, калі б усімі дакладна выконваліся рэкамендацыі па абыходжанні з гаручымі рэчывамі. Намеснік начальніка ўпраўлення сістэм газазабеспячэння ДВА «Белпалівагаз» Таццяна Міхнавец расказала «Звяздзе», якіх правілаў трэба прытрымлівацца, каб выкарыстанне газу ў побыце было бяспечным.

Урачыстае мерапрыемства, арганізатарамі якога выступаюць Беларускі прафсаюз работнікаў лесу і прыродакарыстання і Міністэрства лясной гаспадаркі, адбылося ў Палацы Рэспублікі. Удзельнікі — каля 250 работнікаў галіны з усёй краіны.

Прымаючы ўдзел ва ўрачыстым сходзе з нагоды 90-годдзя гістарычнага факультэта БДУ, Старшыня Палаты прадстаўнікоў азнаёміўся з вучэбнымі аўдыторыямі і музеем абноўленага будынка. Свой юбілей адзін са старэйшых факультэтаў галоўнай ВНУ краіны адсвяткаваў у кастрычніку 2024 года. Аднак адзначаць прыгожую дату было вырашана ў родных сценах — пасля маштабнай рэканструкцыі гістфак БДУ адчыніў свае дзверы ў студзені гэтага года.