Сеткавае выданне zviazda.by

Як расказалі ў профільным міністэрстве, па стане на 1 лютага для шматдзетных сем’яў адкрыта 143 936 дэпазітных рахункаў «Сямейны капітал». З іх 82,6 тысячы дэпазітных рахункаў на суму 826 мільёнаў долараў і 61,3 тысячы — на суму 1,6 мільярда рублёў.

У час тэхналогій разам з новымі магчымасцямі ўзнікаюць і сур’ёзныя выклікі, асабліва ў галіне бяспекі. Эксперты раяць падрыхтавацца да таго, што зламыснікі будуць адаптаваць свае схемы, выкарыстоўваючы сучасныя магчымасці.

Якаснае насенне — найважнейшая ўмова будучага ўраджаю і ў прамысловых маштабах, і на асабістых градках. Ад пасяўнога матэрыялу ўвесну будзе залежаць настрой гаспадароў напрыканцы лета, калі прыйдзе час «жніва». Ужо сёння агароднікі-аматары рыхтуюцца да пасяўной. Каб пераканацца ў гэтым, дастаткова наведаць любую краму «Насенне». Пакупнікоў шмат, асартымент вялікі, цэны — розныя. Ну а мы загадзя спыталі ў навукоўцаў, як аматару не памыліцца з выбарам пасяўнога матэрыялу.

Уладальнікам 2,5-мільённага сертыфіката ЭЛП стаў 25-гадовы індывідуальны прадпрымальнік Яўген Марчанка. Такія сертыфікаты выдаюцца ў Беларусі з 1 ліпеня 2014 года, штодня іх колькасць павялічваецца ў сярэднім на 1,5 тыс. адзінак.

Розныя этапы гісторыі краіны будуць адлюстраваны ў экспазіцыі новага Нацыянальнага гістарычнага музея, работы па будаўніцтве якога, згодна з адпаведным указам Прэзідэнта, павінны пачацца сёлета. Пакуль гаворка пра праект — мяркуецца, што сам будынак будзе займаць каля 20 тысяч квадратных метраў. Разглядаецца і сімвалічнае ўвасабленне ў прасторы — у выглядзе карты Беларусі. Пра гэта паведаміў дырэктар Інстытута гісторыі Нацыянальнай акадэміі навук Беларусі Вадзім Лакіза.

Карэспандэнт «Звязды» папрысутнічала на прыёме грамадзян, які правёў старшыня Мінгарвыканкама Уладзімір Кухараў. Звароты, з якімі прыйшлі мінчане да мэра сталіцы, датычыліся павелічэння пенсій, працаўладкавання, прадастаўлення незанятага дадатковага зямельнага ўчастка, паляпшэння жыллёвых умоў для шматдзетных сем’яў і не толькі.

Як паведамілі ў тэлеграм-канале Следчага камітэта, трагедыя адбылася ў мінулую нядзелю ўвечары ў вёсцы Лугавая Вірня Жлобінскага раёна. Папярэдняе следства ўстанавіла, што ў гэты час у адным з прыватных дамоў выбухнуў, як мяркуецца, кіслародны балон. У выніку здарэння загінулі двое малалетніх дзяцей (аднаго і трох гадоў) і 35-гадовы мужчына. Яго жонка і шасцігадовы сын у цяжкім стане дастаўлены ў бальніцу.

Прэзідэнт Беларусі Аляксандр Лукашэнка падпісаў указ «Аб асаблівасцях прадастаўлення і выкарыстання арэнднага жылля», якім комплексна рэгулюецца прадастаўленне такога жылля работнікам найбольш запатрабаваных у краіне прафесій. Дакумент прыняты ў мэтах развіцця перадвыбарнай праграмы кіраўніка дзяржавы аб шырокім будаўніцтве арэнднага жылля. Аб гэтым паведамілі ў прэс-службе беларускага лідара.

Збор Маладзёжных атрадаў аховы правапарадку ўрачыста адкрылі 17 студзеня на базе мінскай вайсковай часці 5448 унутраных войскаў МУС. У ім узялі ўдзел каля 400 байцоў, якія дапамагаюць ратавальнікам і работнікам праваахоўных органаў забяспечваць спакой і парадак на вуліцах беларускіх гарадоў і вёсак, займаюцца прафілактычнай працай па бяспецы жыццядзейнасці нашых грамадзян.

Яўка ў першы дзень датэрміновага галасавання — паказчык кансалідацыі ўсяго беларускага грамадства, яго палітычнай адказнасці. Аб гэтым заявіў намеснік кіраўніка Адміністрацыі Прэзідэнта Беларусі Уладзімір Пярцоў пасля датэрміновага галасавання на выбарчым участку № 70 Ленінскага раёна горада Мінска, паведаміла БелТА.