Сеткавае выданне zviazda.by

Таварышы салдаты і сяржанты, курсанты і прапаршчыкі, афіцэры і генералы!

На сталічных праспектах Незалежнасці і Пераможцаў 25 сакавіка было асабліва шматлюдна. Людзі прыйшлі, каб сустрэць урачысты картэж і падтрымаць кіраўніка дзяржавы перад асабліва важнай падзеяй — інаўгурацыяй Прэзідэнта Рэспублікі Беларусь. Карэспандэнт «Звязды» далучыўся да мінчан і гасцей сталіцы і пацікавіўся ў беларусаў, чаму прыйсці ў гэты дзень павітаць Прэзідэнта для іх было асабліва важна.

Першы тыдзень новага кіраўніка беларускага ўрада характарызаваўся глыбокім апусканнем у бягучую эканамічную сітуацыю. Пра гэта ў рубрыцы «Час Першага» ў «Галоўным эфіры» тэлеканала «Беларусь 1» расказаў прэм’ер-міністр Беларусі Аляксандр Турчын, перадае sb.by.

Гісторыя суверэннай Беларусі папоўнілася яшчэ адной знакавай падзеяй — цырымонія заступлення на пасаду зноў выбранага Прэзідэнта Беларусі прайшла ў Палацы Незалежнасці. Гэтую падзею разам са сваім лідарам пражыла ўся краіна. Аляксандр Лукашэнка прыехаў на інаўгурацыю па двух галоўных сталічных праспектах — Незалежнасці і Пераможцаў. Картэж беларускага лідара на вуліцах горада цёпла сустракалі мінчане і госці сталіцы.

На цырымоніі інаўгурацыі Прэзідэнта ў Палацы Незалежнасці прысутнічалі 1100 чалавек. Быць непасрэднымі сведкамі гэтай найважнейшай падзеі, якая ўжо ўвайшла ў гісторыю, пашчасціла членам Прэзідыума Усебеларускага народнага сходу, дэпутатам Палаты прадстаўнікоў і членам Савета Рэспублікі, суддзям Канстытуцыйнага і Вярхоўнага судоў, кіраўнікам мясцовых органаў улады, выбітным дзеячам культуры і мастацтва, спартсменам, кіраўнікам і прадстаўнікам медыйнай супольнасці, сферы адукацыі і аховы здароўя. Сярод запрошаных на найгалоўнейшую ўрачыстасць краіны былі і паслы замежных дзяржаў, давераныя асобы кіраўніка дзяржавы падчас выбарчай кампаніі, члены Цэнтральнай выбарчай камісіі, сілавых структур і іншыя прадстаўнікі беларускага народа, якія ўнеслі свой унёсак у правядзенне электаральнай кампаніі. Яшчэ большая колькасць людзей назірала за цырымоніяй прынясення ваеннаслужачымі клятвы на вернасць беларускаму народу і Прэзідэнту. Карэспандэнты «Звязды» пацікавіліся ў непасрэдных відавочцаў абедзвюх урачыстасцяў першымі ўражаннямі.

Вялікая ўвага была прыцягнута і да прамой трансляцыі цырымоніі інаўгурацыі. Яе ў прамым эфіры глядзелі ў розных кутках краіны. Карэспандэнты «Звязды» пацікавіліся ўражаннямі тых, хто назіраў за ўрачыстасцю у рэгіёнах.

Тыдзень работы, які штомесяц дэпутаты Палаты прадстаўнікоў праводзяць у сваёй выбарчай акрузе, плануецца загадзя, каб правесці гэты перыяд з максімальнай карысцю. Для члена Пастаяннай камісіі па міжнародных справах Палаты прадстаўнікоў, дэпутата па выбарчай Лідскай акрузе № 55 Кацярыны СЕРАФІНОВІЧ работа ў сваім раёне — гэта магчымасць не толькі праінфармаваць мясцовыя органы ўлады, грамадзян аб канкрэтных заканадаўчых рашэннях, але і параіцца з людзьмі наконт таго, ці патрэбны тыя ці іншыя змяненні, ці актуальныя яны на месцах. Безумоўна, не абыходзіцца і без прамых кантактаў з насельніцтвам: людзі давяраюць дэпутатам, а таму ідуць да іх са сваімі пытаннямі і праблемамі.

З надыходам вясны жыхары і госці сталіцы сталі актыўна карыстацца сродкамі персанальнай мабільнасці. У сувязі з гэтым павялічылася і колькасць дарожна-транспартных здарэнняў, выпадкаў траўматызму, у тым ліку з удзелам непаўналетніх. На мінулым тыдні «Звязда» разам з Фрунзенскім аддзелам Дзяржаўтаінспекцыі горада Мінска ўжо ўздымала надзённую тэму электрасамакатчыкаў, якія ў большасці выпадкаў і становяцца віноўнікамі здарэнняў. Тым не менш абстаноўка застаецца напружанай. Аднак гэтай балючай тэме ўсё ж такі быў дадзены ход! Днямі ў беларускай сталіцы прайшло пашыранае пасяджэнне дзвюх пастаянных камісій Мінскага гарадскога Савета дэпутатаў з удзелам прадстаўнікоў Дзяржаўтаінспекцыі, Мінскага гарвыканкама, арганізацый, якія аказваюць паслугі пракату электрасамакатаў, грамадскасці. Карэспандэнт «Звязды» разам з упаўнаважанымі асобамі пастараўся разабрацца, як можна супакоіць ліхачоў на сродках індывідуальнай мабільнасці.

Апошнім часам турыстычныя патокі ў нашу краіну павялічыліся, прычым і з Захаду, і з Усходу. Расіяне едуць сюды нават на выхадныя, заходнія госці, карыстаючыся бязвізам, таксама не мінаюць увагай нашы турыстычныя аб’екты. Ды і самі беларусы сталі больш праяўляць цікавасці да ўласнай краіны і ўсё часцей выбіраюць падарожжа па Беларусі ў якасці актыўнага адпачынку. Як не застацца на ўзбочыне гэтага вялікага турыстычнага руху, як працуюць над тым, каб завабіць турыстаў менавіта да сябе, мясцовыя ўлады, высвятлялі нашы карэспандэнты.

Прадстаўнікі міжнародных арганізацый падчас візіту ў Брэсцкую вобласць наведалі Нацыянальны парк «Белавежская пушча». Адзін з прыпынкаў дэлегацыя зрабіла паблізу пабудаванага на граніцы польскай агароджы, перадае БелТА.