Сеткавае выданне zviazda.by

У дар галоўнай кніжнай скарбніцы Беларусі перададзена больш за 300 кніг. Сярод іх — руская класічная літаратура, у тым ліку творы аўтараў так званага сярэбранага веку. Частка кніжнай калекцыі прадстаўлена кнігамі пісьменнікаў ХХ стагоддзя, як тых, хто працаваў у Савецкім Саюзе, так і эмігрантаў. Падабраны і кнігі вядомых сучасных расійскіх аўтараў. Перададзена і дакументальная, гістарычныя, навуковая літаратура, кнігі па гісторыі рускай эміграцыі, альбомы па жывапісу, архітэктуры, па літаратуразнаўству, акадэмічныя слоўнікі.

У рамках падпісанага на Форуме рэгіёнаў пагаднення паміж Мінскім абласным Саветам дэпутатаў і Дзяржаўным Саветам Рэспублікі Татарстан аб гандлёва-эканамічным, гуманітарным, навукова-тэхнічным супрацоўніцтве дэлегацыя жанчын Рэспублікі Татарстан у гэтыя дні наведвае Мінскую вобласць. Замежныя госці знаёмяцца з культурна-гістарычнай спадчынай Міншчыны, яе эканамічным і прамысловым, турыстычным патэнцыялам. Так, у панядзелак член Савета Рэспублікі, старшыня Мінскага абласнога Савета дэпутатаў Наталля Якубіцкая разам з дэлегацыяй жанчын-дэпутатаў Дзяржаўнага Савета Рэспублікі Татарстан наведалі знакавае для кожнага беларуса месца — мемарыяльны комплекс «Хатынь», азнаёміліся з яго трагічнай гісторыяй, аддалі даніну памяці, усклалі кветкі... Карэспандэнты «Звязды» далучыліся да займальнага падарожжа.

Развіццё і перспектывы аграхолдынга, створанага на базе Полацкага малочнага камбіната, абмеркавалі на нарадзе з удзелам прэм’ер-міністра Аляксандра Турчына, перадае БелТА.

На мерапрыемствах па праверцы баявой гатоўнасці Узброеных Сіл, якая па даручэнні Прэзідэнта праводзілася Дзяржаўным сакратарыятам Савета Бяспекі, супрацьпаветраная абарона адпрацавала эфектыўна. Такое меркаванне ў эфіры тэлеканала «Беларусь 1» выказаў начальнік Генеральнага штаба Узброеных Сіл — першы намеснік міністра абароны Павел МУРАВЕЙКА.

Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, красавік пачнецца з дажджоў. Атмасферныя франты ад Балканскага цыклону прынясуць дажджы рознай інтэнсіўнасці, якія ў асобных раёнах будуць дасягаць моцных крытэрыяў і суправаджацца моцным парывістым ветрам.

Зялёнаму багаццю ў нашай краіне аддаецца асаблівая ўвага з боку дзяржавы. «Лес ёсць лес. Амаль палова краіны — гэта лес. Гэта наш здабытак, дадзены нам Богам», — казаў Прэзідэнт Беларусі, падкрэсліваючы неабходнасць гаспадарскага стаўлення да гэтага рэсурсу. Летась, падчас знаёмства з ходам работ па ўстараненні наступстваў стыхіі ў Мазырскім раёне Гомельскай вобласці, кіраўнік дзяржавы даў даручэнне аператыўна заняцца лесааднаўленнем і прыцягнуць да гэтага ў тым ліку насельніцтва, працоўныя калектывы, студэнтаў. «Мы павінны за будучы год усё гэта аднавіць, — паставіў задачу Аляксандр Лукашэнка. — Трэба парадак навесці».

Дзяржава дае ўсе магчымасці для працаўладкавання моладзі з асаблівасцямі псіхафізічнага развіцця (АПФР), адзначыла старшыня Савета Рэспублікі Наталля Качанава на кансультатыўным савеце па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця, перадае БелТА.

Усё больш палітыкаў у Еўрасаюзе прызнаюць згубнасць санкцыйнай палітыкі. Такую думку ў эфіры тэлеканала СТБ выказаў міністр замежных спраў Максім Рыжанкоў, паведамляе БелТА.

Новы рабочы тыдзень краіна пачала з двума новымі старшынямі аблвыканкамаў і адным міністрам. Адпаведныя кадравыя рашэнні прыняў Прэзідэнт Беларусі Аляксандр Лукашэнка. Людзі кампетэнтныя, на дзяржаўнай службе не адзін год, сваю справу ведаюць. Таму кіраўніку дзяржавы не прыйшлося залішне настройваць іх на працу і падрабязна ўводзіць у курс спраў — ён толькі актуалізаваў задачы.

У Мінску па генплане забудовы да 2030 года прадугледжана ўзвядзенне штогод 600 тыс. кв. м жылля. З адначасовай актывізацыяй працэсу ў рэгіёнах, каб спыніць дыспрапорцыю развіцця тэрыторый і ператок насельніцтва. Да гэтага часу гэтая лічба была нашмат больш. Напрыклад, заданне на 2024 год Мінск перавыканаў на 11 тыс. кв. м. Цяпер такой магчымасці няма, расказала старшыня камітэта будаўніцтва і інвестыцый Мінгарвыканкама Ірына Гантарава, паведамляе БелТА.