Сеткавае выданне zviazda.by

Красавік аб’яўлены месяцам дзелавога турызму ў нашай краіне. Беларусь апошнім часам з’яўляецца прывабным рынкам у гэтым кірунку для вялікіх кампаній з суседняй краіны. Буйныя банкі і фінансавыя карпарацыі, рытэйл, якія маюць разгалінаваную сетку па ўсёй Расіі, нярэдка выбіраюць Мінск для правядзення дзелавых мерапрыемстваў. Сярод краін постсавецкай прасторы Беларусь знаходзіцца ў выйгрышным становішчы, улічваючы наяўнасць прамых авіярэйсаў з многіх вялікіх гарадоў Расіі і вялікую колькасць сродкаў размяшчэння. А адкрыццё Мінскага міжнароднага выставачнага цэнтра стварыла дадатковую пляцоўку для дзелавых мерапрыемстваў у новым сучасным фармаце.

Дзякуючы сістэмнай падтрымцы Прэзідэнта і зладжанай рабоце дзяржаўных органаў, электрамабілі перасталі быць тэхналогіяй будучыні — яны сталі рэальнасцю, даступнай кожнаму беларусу. Ствараюцца і рэалізоўваюцца дзяржаўныя праекты і праграмы, накіраваныя на развіццё электрамабільнага транспарту.

Гэтым разам галоўную афіцыйную пляцоўку краіны наведалі супрацоўнікі агенцтва «Мінск-Навіны». У ліку гасцей — генеральны дырэктар, яго намеснікі, галоўныя рэдактары, карэспандэнты, SMM-спецыялісты і не толькі. Таксама на экскурсію ў Палац Незалежнасці 8 красавіка прыехалі супрацоўнікі Адміністрацыі Прэзідэнта.

Рэфінансаванне крэдытаў будзе аказваць падтрымку нашай фінансавай сістэме. Гэта адзначыў міністр фінансаў Юрый СЕЛІВЕРСТАЎ у эфіры тэлеканала «Беларусь 1», гаворачы аб некаторых выніках візіту прэм’ер-міністра Аляксандра ТУРЧЫНА ў Расію. «Ёсць яшчэ шмат пытанняў, якія трэба надалей нам развіваць, бо гэты парадак дня не самы просты. Але па асобных пагадненнях дамовіліся аб рэфінансаванні крэдытаў урада Расіі, якія выдзялялі Міністэрству фінансаў раней. Гэта будзе аказваць падтрымку нашай фінансавай сістэме, плацежнаму балансу, але будзем працаваць і далей», — падкрэсліў міністр фінансаў.

Праўду кажуць: не мела баба клопату — купіла парася.

Канцэрт-рэквіем «Кожны трэці», які праходзіць на гэтым тыдні штодня ў Палацы Рэспублікі, убачаць прадстаўнікі ўсіх рэгіёнаў Беларусі. У панядзелак вечарам яго паглядзелі прадстаўнікі Віцебшчыны — славутага партызанскага краю, радзімы легендарных Канстанціна Заслонава і Бацькі Міная і месца гераічнай аперацыі «Прарыў» супраць фашысцкай блакады.

12 красавіка ўся краіна выйдзе на Рэспубліканскі суботнік. Як правіла, праходзіць ён масава, арганізавана, рэзультатыўна. Людзі працуюць з ахвотай: талака — наша, беларускае слова, а навесці парадак, зрабіць месца, дзе жывеш, прыгажэйшым, можна сказаць, — нацыянальная традыцыя. Таму многія, акрамя ўдзелу ў важным мерапрыемстве рэспубліканскага маштабу, ладзяць, вобразна кажучы, суботнікі па закліку сэрца. Дзякуючы нераўнадушным энтузіястам, збіраюцца самі, працуюць разам, робяць сваю радзіму чыстай і ўтульнай. І так па ўсёй краіне, у чым і пераканаліся нашы карэспандэнты.

Наступнае свята хлебаробаў — абласныя «Дажынкі» на Міншчыне — пройдуць у адным з самых старажытных гарадоў нашай краіны, горадзе-музеі пад адкрытым небам — Заслаўі. І, здавалася б, да восені яшчэ ёсць час, работы па падрыхтоўцы горада да святкавання абласных «Дажынак» набіраюць тэмпы ўжо сёння. Пасля комплекснага добраўпарадкавання перад горадам будуць стаяць адказныя задачы: з размахам правесці фестываль-кірмаш і на сваім прыкладзе паказаць, якой павінна быць сталіца Мінскай вобласці. Для таго, каб пракантраляваць падрыхтоўку да абласных «Дажынак», у аўторак было арганізавана пасяджэнне штаба. Удзел у яго рабоце ўзяў старшыня Мінскага аблвыканкама Аляксей Кушнарэнка. Карэспандэнт «Звязды» далучыўся да адказнай нарады і пастараўся высветліць, чым будзе здзіўляць жыхароў і гасцей горад Заслаўе падчас святкавання галоўнага свята хлебаробаў.

Форум, у якім, як плануецца, возьмуць удзел прэзідэнты Беларусі і Расіі, адбудзецца ў канцы красавіка ў Валгаградзе. Колішні Сталінград па праве лічыцца горадам-сімвалам Вялікай Перамогі: тут адбылася легендарная бітва, якая змяніла ход Вялікай Айчыннай вайны. Па колькасці беззваротных страт Сталінградская бітва стала адной з самых крывавых у гісторыі чалавецтва. Тут савецкі народ даказаў усяму свету, што перамагчы яго немагчыма. Аб гэтым, ужо праз 80 гадоў, будуць казаць і нашчадкі пераможцаў, якія свята захоўваюць памяць аб тых падзеях.

Да выбрання дэпутатам Палаты прадстаўнікоў член Пастаяннай камісіі па дзяржаўным будаўніцтве, мясцовым самакіраванні і рэгламенце Таццяна Лаўрыновіч жыла і працавала ў Лагойску. Пачынала звычайнай настаўніцай, затым — старшынёй Лагойскага сельвыканкама. «Адпаведна, практычна трэць акругі мне ўжо была знаёмая, — прызнаецца яна. — Маю 75-ю Лагойскую выбарчую акругу па колькасці насельніцтва можна падзяліць на тры ўмоўныя часткі: горад Лагойск і шэсць сельвыканкамаў, горад Смалявічы і два сельвыканкамы, а таксама два сельвыканкамы Мінскага раёна, уключаючы буйны населены пункт Калодзішчы. Такая адміністрацыйная раскіданасць тэрыторыі ўносіць свае карэктывы ў працу і робіць яе цікавай і насычанай на падзеі». Чым сёння жыве 75-я Лагойская акруга, дэпутат расказала карэспандэнту «Звязды».