Сеткавае выданне zviazda.by

Адкрываючы чарговае пасяджэнне другой сесіі Палаты прадстаўнікоў, Старшыня Палаты прадстаўнікоў Ігар Сергяенка нагадаў, што 25 сакавіка дэпутаты сталі сведкамі і ўдзельнікамі падзеі гістарычнай значнасці. Інаўгурацыя Прэзідэнта Рэспублікі, па яго словах, азнаменавала сабой завяршэнне працэсу маштабных грамадска-палітычных пераўтварэнняў — краіна ўступіла ў новы этап свайго развіцця.

Чарговае пасяджэнне другой сесіі Палаты прадстаўнікоў Нацыянальнага сходу Рэспублікі Беларусь восьмага склікання адбудзецца 2 красавіка пад старшынствам спікера Ігара Сергяенкі. Аб гэтым паведамляе БелТА са спасылкай на прэс-службу Палаты прадстаўнікоў.

У Авальнай зале Дома ўрада пад кіраўніцтвам Старшыні Палаты прадстаўнікоў Ігара СЕРГЯЕНКІ прайшоў семінар на тэму «Акутальныя пытанні прымянення заканадаўства Рэспублікі Беларусь аб ахове і выкарыстанні зямель на сучасным этапе». На ім дэпутаты Палаты прадстаўнікоў, члены Савета Рэспублікі, кіраўнікі рэспубліканскіх мясцовых органаў улады, прадстаўнікі судзейскага корпуса абмеркавалі даволі аб’ёмны спектр пытанняў, прааналізавалі дзеянні нормаў заканадаўства аб ахове і выкарыстанні зямель, прымяненне зямельнага заканадаўства, рэалізацыю норм і многае іншае.

Ігар Сергяенка ўзяў удзел у 14-й сесіі абласнога Савета дэпутатаў, на якой абмеркавалі пытанні развіцця паўночнага рэгіёна. Кіраўнік дэпутацкага корпуса Віцебшчыны Дзмітрый Дзямідаў адзначыў, што па выніках мінулага года рэгіён заняў другое месца ў краіне па сацыяльна-эканамічным развіцці. Паспяхова працуе гандаль, тавары з Падзвіння карыстаюцца вялікім попытам. Асаблівай падставай для гонару з’яўляецца тое, што па выніках Года якасці хлеб «Каравай Прыдзвіння» і льняная пасцельная бялізна Аршанскага льнокамбіната ўдастоены Дзяржаўнага знака якасці. З мэтай устойлівага развіцця рэгіёнаў у рамках інвестпраграмы «Адзін раён — адзін праект» на тэрыторыі вобласці знаходзяцца ў распрацоўцы 35 праектаў, 12 з іх цалкам рэалізаваны, прычым дзевяць — летась.

Працоўны дзень Старшыні Палаты прадстаўнікоў у Віцебскай вобласці пачаўся з інспектавання сельскагаспадарчых арганізацый Чашніччыны. У полі зроку — малочнатаварны комплекс і малочнатаварная ферма ААТ «Проземля-Агра», якія група дэпутатаў ужо правярала напрыканцы лютага. У ходзе паўторнай праверкі Ігар Сергяенка азнаёміўся з вынікамі зімоўкі жывёлы, арганізацыяй кармлення і ўмовамі захавання кармоў, выкананнем ветэрынарна-санітарных правілаў і тэхналагічнай дысцыпліны. Не засталася без увагі парламентарыя ступень гатоўнасці сельскагаспадарчай тэхнікі «Проземля-Агра» да вясновых палявых работ — яна ацэньваецца як высокая.

На сустрэчы са Старшынёй Палаты прадстаўнікоў Нацыянальнага сходу Беларусі Ігарам Сергяенка калектыў Лукомльскай ГРЭС абмеркаваў надзённыя пытанні, перадае БелТА.

Трэба шанаваць мір, шанаваць сваіх родных і блізкіх. Аб гэтым заявіў Старшыня Палаты прадстаўнікоў Ігар Сергяенка ў мемарыяльным комплексе «Хатынь» у час мерапрыемстваў, прысвечаных 82-й гадавіне з дня трагедыі беларускай вёскі.

Прымаючы ўдзел ва ўрачыстым сходзе з нагоды 90-годдзя гістарычнага факультэта БДУ, Старшыня Палаты прадстаўнікоў азнаёміўся з вучэбнымі аўдыторыямі і музеем абноўленага будынка. Свой юбілей адзін са старэйшых факультэтаў галоўнай ВНУ краіны адсвяткаваў у кастрычніку 2024 года. Аднак адзначаць прыгожую дату было вырашана ў родных сценах — пасля маштабнай рэканструкцыі гістфак БДУ адчыніў свае дзверы ў студзені гэтага года.

Дэпутат ад Пастаўскай выбарчай акругі № 29 Ігар Сергяенка наведаў малочнатаварныя комплексы «Юнькі» малочнага завода і «Пагорцы» ААТ «Навасёлкі-Лучай», а таксама мехмайстэрні ААТ «Сцяг Перамогі-агра». У полі зроку парламентарыя — гатоўнасць сельскагаспадарчай тэхнікі раёна да вясенніх палявых работ, умовы ўтрымання жывёлы, наяўнасць кармоў і ўмовы іх захавання.

Парламенцкая дэлегацыя Рэспублікі Сербскай Босніі і Герцагавіны знаходзіцца з афіцыйным візітам у нашай краіне па запрашэнні Старшыні Савета Рэспублікі Наталлі КАЧАНАВАЙ. Дамоўленасць аб візіце была дасягнута на палях чацвёртага Еўразійскага жаночага форуму, які ў верасні прайшоў у Санкт-Пецярбургу.