Сеткавае выданне zviazda.by

У Дзяржпагранкамітэт паступіла афіцыйнае апавяшчэнне пагранічнай варты Рэспублікі Польшча аб адкрыцці ноччу пунктаў пропуску на беларуска-польскай граніцы. Пра гэта БелТА расказаў афіцыйны прадстаўнік Дзяржаўнага пагранічнага камітэта Беларусі Антон Бычкоўскі.

Міністр унутраных спраў і адміністрацыі Польшчы Марцін Кервінскі падпісаў пастанову аб адкрыцці пагранічных пераходаў на граніцы з Беларуссю 25 верасня. Пра гэта паведамляецца на афіцыйным сайце ведамства, перадае БелТА.

Прэм’ер-міністр Польшчы Дональд Туск заявіў, што Варшава адкрые закрытыя з 12 верасня пагранічныя пераходы на граніцы з Беларуссю, паведамляе БелТА.

Прэзідэнт Беларусі Аляксандр Лукашэнка назваў закрыццё Польшчай граніцы з Беларуссю недружалюбным палітычным крокам супраць Кітая. Пра гэта ён заявіў 22 верасня на сустрэчы з членам Пастаяннага камітэта Палітбюро ЦК Камуністычнай партыі Кітая, сакратаром Цэнтральнай камісіі па праверцы дысцыпліны КПК Лі Сі, перадае БелТА.

За суткі чарга перад літоўскімі пунктамі пропуску Мядзінінкай (Каменны Лог) і Шальчынінкай (Беняконі) павялічылася з 30 да 300 легкавых аўто. У Літву праз дадзеныя пагранпераходы прайшло 53% легкавых аўто. Пра гэта паведамляе «Мінская Праўда».

Польскія ўлады не цікавіліся меркаваннем свайго народа, закрываючы граніцу з Беларуссю, і цяпер выгаду з гэтага рашэння можа атрымаць Літва. Такое меркаванне выказаў польскі палітык, палітолаг, публіцыст Матэвуш Піскорскі, паведамляе БелТА.

Аднабаковае і дастаткова рэзкае закрыццё наглуха граніцы з Польшчай насамрэч датычыцца не толькі Варшавы, Мінска і дзяржаў, якія карысталіся гэтым трансеўразійскім маршрутам у тавараабароце. Кейс на беларуска-польскай граніцы можа мець больш значныя наступствы для глабальнай прасторы, бо ён стварае прэцэдэнт, калі адзін з бакоў па сваім жаданні блакіруе міжнародны транспартны калідор. І спрабуе гэты штучны бар’ер выкарыстоўваць у сваіх геапалітычных інтарэсах. Небяспечны прэцэдэнт для міжнароднага гандлю. У Варшавы могуць з’явіцца паслядоўнікі ў іншых частках свету. І да санкцыйнай дыпламатыі можа яшчэ дадацца транспартна-лагістычны ціск. Няўжо пачалася эпоха бар’ераў і перашкод?

Ад закрыцця Польшчай мяжы ў першую чаргу пакутуюць простыя людзі: жыхары памежных раёнаў і ваяводстваў і турысты. Такое меркаванне выказаў у гутарцы з БелТА старшыня Брэсцкага аблвыканкама Пётр Пархомчык.