Сеткавае выданне zviazda.by

Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, 21 чэрвеня ноччу надвор’е ў Беларусі працягне вызначаць франтальны раздзел, днём адаб’ецца ўплыў вобласці павышанага атмасфернага ціску.

У Чэхіі пануе неверагодная русафобія і беларусафобія, але не ўсе грамадзяне згодны з такой палітыкай кіраўніцтва краіны. Аб гэтым расказаў старшыня Чэшскага саюза пажарнага спорту Антанін Мінарскі, паведамляе БелТА. 

Выпускніца факультэта сацыяльна-педагагічных тэхналогій, выкладчык кафедры сацыяльнай педагогікі БДПУ імя М. Танка Марына Гусакова стала лаўрэатам XXXI Рэспубліканскага конкурсу навуковых работ студэнтаў. Перамогу ёй прынёс праект пад назвай «Сацыяльна-педагагічная дзейнасць па прафілактыцы лічбавых дэвіяцый падлеткаў ва ўстанове агульнай сярэдняй адукацыі», паведамляе БелТА.

Сталіца павінна падаваць прыклад.

22 чэрвеня ў 4.00 раніцы на мемарыяльным комплексе «Буйніцкае поле» пад Магілёвам прагучыць журботны «Звон смутку» па тых, хто ў 1941 годзе прыняў на сябе першыя ўдары нямецкай арміі. На гэтым полі быў развенчаны міф аб непераможнасці ворага і зроблены першыя здымкі палаючых нямецкіх танкаў, якія трапілі на галоўныя старонкі савецкіх газет. Удзел у абласной маладзёжнай патрыятычнай акцыі прымуць прадстаўнікі ўлады вобласці і горада, дэпутаты, грамадскасць. Яны ўшануюць хвілінай маўчання памяць абаронцаў і ўскладуць кветкі да мемарыялу. 

Прэзідэнт ЗША Дональд Трамп падоўжыў адтэрміноўку блакавання кітайскай платформы TikTok на тэрыторыі ЗША на 90 дзён. Пра гэта паведамляе ТАСС.

Старшыня Палаты прадстаўнікоў, упаўнаважаны прадстаўнік кіраўніка дзяржавы ў Віцебскай вобласці Ігар Сергяенка наведаў з рабочай паездкай Шумілінскі раён. 

Яркія эмоцыі, непаўторныя ўражанні, шмат песень, танцаў і пачастункаў — такая атмасфера панавала на Мінскім абласным этапе рэспубліканскага сямейнага сельскагаспадарчага праекта «Уладар сяла — 2025». Сам жа конкурс стаў сапраўдным святам сямейных традыцый, магчымасцю для маладых людзей гучна заявіць пра сябе. Карэспандэнты «Звязды» пазнаёміліся бліжэй з вясковымі сем'ямі — гарантамі харчовай бяспекі краіны — і высветлілі, хто прадставіць Міншчыну на рэспубліканскім этапе, які пройдзе на свяце ў Александрыі.

Ён устаноўлены на месцы масавага пахавання мірных жыхароў у гады Вялікай Айчыннай вайны — на ўскрайку Казіміраўскага лесу па вуліцы Раўчакова ў Магілёве. Урачыстае мерапрыемства, прысвечанае яго адкрыццю, адбудзецца заўтра, 21 чэрвеня. Плануецца, што ў ім возьмуць удзел старшыня Магілёўскага аблвыканкама Анатоль Ісачанка, памочнік Прэзідэнта Рэспублікі Беларусь — інспектар па Магілёўскай вобласці Сяргей Налівайка, генеральны пракурор Рэспублікі Беларусь Андрэй Швед, сенатар, старшыня аблсавета Аляксандр Гарошкін, прадстаўнікі абласной і гарадской улады, працоўных калектываў, грамадскасці, дэпутаты, кіраўнікі розных рэлігійных арганізацый, удзельнікі міжнароднага маладзёжнага праекта «Дарогамі Памяці і Славы» з Магілёўскай вобласці і 20 рэгіёнаў Расіі. 

Сёлета назіраецца тэндэнцыя значнага росту колькасці ДТЗ з удзелам дзікіх жывёл. Найбольш істотнае павелічэнне такіх здарэнняў — у Гродзенскай і Мінскай абласцях. Май характарызуецца найбольшай колькасцю такіх ДТЗ, а найменш іх у лютым. Пераважная колькасць дзікіх жывёл гіне ў пятніцу, суботу і нядзелю, калі павялічваецца аўтамабільны трафік. Гэта праблема характэрная не толькі для Беларусі, але і для многіх краін свету. І ў параўнанні з іншымі краінамі Еўропы такіх ДТЗ у нас адносна няшмат. Якія практычныя меры прымаюцца і рыхтуюцца ў Беларусі для вырашэння гэтага пытання і як не стаць ахвярай такога ДТЗ, расказалі эксперты.