Сеткавае выданне zviazda.by

Сын загінулага Вярхоўнага лідара Ірана Алі Хаменеі Маджтаба выбраны новым лідарам Ісламскай Рэспублікі. Пра гэта паведамляе ТАСС са спасылкай на Савет экспертаў Ісламскай Рэспублікі.

У пятніцу ўсё выглядала яшчэ вельмі аптымістычна. Напярэдадні прайшлі перагаворы прадстаўнікоў Вашынгтона і Тэгерана ў Жэневе. Потым кіраўнік МЗС Амана (краіна з’яўляецца пасрэднікам у дыпламатыі паміж ЗША і Іранам) Бадр аль-Бусаідзі ў інтэрв’ю CBS News заявіў, што быццам бы дамоўленасці пра лёс узбагачанага ўрану дасягнутыя. А раніцай у суботу па ісламскай рэспубліцы нанеслі ўдар Ізраіль і ЗША. Прычынай ваеннай агрэсіі Дональд Трамп назваў ядзерную праграму Ірана. Прычыны... іх, мабыць, занадта шмат. І далёка не ўсе датычацца Тэгерана напрамую. Ён стаў ахвярай вялікай геапалітычнай гульні.

Сітуацыя на Блізкім Усходзе напаленая праз абвастрэнне канфлікту паміж Іранам і Ізраілем з ЗША, факты расказвае БелТА.

Разам з экспертам — намеснікам старшыні Пастаяннай камісіі Палаты прадстаўнікоў па міжнародных справах — Алегам Дзячэнкам разбіраем матывы і перадумовы агрэсіўных ваенных дзеянняў, учыненых у дачыненні да Ірана. 

Днямі мытная служба ЗША перастала спаганяць пошліны, якія летась шчодра ўводзіў амерыканскі прэзідэнт Дональд Трамп. А потым адмяняў: або заключаючы гандлёвыя і эканамічныя здзелкі, або пад ціскам уласнай эканомікі, або зыходзячы з палітычнай мэтазгоднасці. Амерыканскі Вярхоўны суд выбіў з рук кіраўніка Белага дома тарыфную палітычную зброю. І цяпер пачынаецца самае цікавае. Па-першае, выканаўчая ўлада не думае здавацца і працягвае шукаць юрыдычныя шчыліны, каб абысці волю галіны ўлады заканадаўчай, што пагражае палітычным крызісам. Па-другое, разбураецца ўся сістэма здзелак (якія так любіць Дональд Трамп), паколькі цяпер яны калі і не страчваюць сілы, то становяцца вельмі сумнеўнымі па змесце. Па-трэцяе, развальваецца значная частка будовы амерыканскай дыпламатыі новай хвалі, заснаванай на гандлёва-эканамічным ціску і пошлінным гандлі. Шоу працягваецца. 

У канцы мінулага тыдня прайшла 62-я Мюнхенская канферэнцыя па бяспецы. Перад пачаткам форуму свет убачыў чарговы аналітычны даклад, які паслужыў асновай для абмеркавання тэндэнцый бяспекі на форуме. І тэндэнцыі гэтыя, як паказала сама канферэнцыя, прынамсі для Еўропы, мякка кажучы, не вельмі пазітыўныя.

Сумніўныя вынікі і ўзнагароды 

Год ад году заможныя людзі паводзяць сябе ўсё больш неспакойна. У 2024-м 134 тысячы мільянераў змянілі месца жыхарства, у 2025 годзе — ужо 142 тысячы, сёлета ж плануюць пакінуць радзіму 165 тысяч багатых людзей. Такія даныя прыводзяцца ў справаздачы «Глабальная міграцыя багацця» кампаніі Henley&Partners. Прычыны зусім розныя. Але ключавым матывам з’яўляецца незадаволенасць падаткаабкладаннем на радзіме. І ўладальнікі капіталу імкнуцца выратаваць свой здабытак у спакойных гаванях. Гэтыя лагуны ўсё часцей знаходзяцца за межамі краін з класічным капіталізмам. Мабыць, свет перажывае не проста фрагментацыю і рэгіяналізацыю эканомікі, а змену светапоглядных парадыгм. А яны заўсёды суправаджаюцца вельмі значнымі пераездамі эліт.