Сеткавае выданне zviazda.by

Незвычайны праект, прысвечаны самай сакральнай частцы жыцця жанчыны — мацярынству, — працуе ў музеі-майстэрні Заіра Азгура. Адзінаццаць беларускіх мастачак прадставілі свае інтэрпрэтацыі на тэму жаночай долі і прызначэння, паднялі шэраг важных і актуальных пытанняў, дакрануліся да самай інтымнай і далікатнай тэмы.

У адной з вiтрын пятай залы Беларускага дзяржаўнага музея гiсторыi Вялiкай Айчыннай вайны, якая раскрывае тэму карэннага пералому ў ходзе Другой сусветнай, увагу прыцягвае сшытак, дзе прыгожым, роўным почыркам занатаваны подзвiгi аднаго воiнскага падраздзялення, раскрываецца гiсторыя лёсу маладой дзяўчыны. Гэта дзённiк з франтавымi запiсамi штурмана самалёта 46-га гвардзейскага Таманскага авiяцыйнага палка Галiны Iванаўны Дакутовiч.

Дзяржаўны музей гісторыі рэлігіі (Расійская Федэрацыя, Санкт-Пецярбург) і Нацыянальны мастацкі музей у рамках святкавання Дня яднання народаў Беларусі і Расіі прадставілі выстаўку тактыльных карцін «Нябесныя ахоўнікі». Экспазіцыя, змешчаная ў зале старажытнабеларускага мастацтва галоўнага корпуса НММ, знаёміць з серыяй твораў з выявамі праваслаўных святых.

Нацыянальны гістарычны музей Рэспублікі Беларусь запрашае мінчан і гасцей сталіцы на займальную выстаўку «Беларусь і беларусы. Гід па гісторыі і культуры», якая распавядае пра асноўныя этапы гістарычнага развіцця краіны, дае кароткую характарыстыку культурным здабыткам і прадстаўляе беларускую нацыю як неад’емную частку сусветнай супольнасці.

У Дзяржаўным музеі гісторыі беларускай літаратуры да 27 красавіка можна пазнаёміцца з фотавыстаўкай «Чароўныя мясціны» са збору Дзяржаўнага мемарыяльнага гісторыка-літаратурнага і прыродналандшафтнага музея-запаведніка А. С. Пушкіна «Міхайлаўскае».

Самыя маштабныя раскопкі за перыяд незалежнасці Рэспублікі Беларусь — на рацэ Менцы. Удзел у іх бралі сотні студэнтаў з 17 ВНУ краіны. А статус археалагічнага комплексу на рацэ Менцы змяніўся з трэцяй катэгорыі (у якую ўваходзяць помнікі мясцовага значэння) да другой — цяпер гэта помнік рэспубліканскага значэння. Пра ход даследчых і рэстаўрацыйных работ на гэтым аб’екце расказаў Аляксей Аўласовіч, загадчык цэнтра археалогіі Беларусі Інстытута гісторыі Нацыянальнай акадэміі навук Беларусі.

Іх тэма — «Партызанскі рух і падпольная барацьба ў Беларусі: гераізм і стойкасць народа ў імя Перамогі». Даклады, заслуханыя падчас чытанняў, расказваюць аб асаблівасцях падпольнай работы на Міншчыне, сведчаць аб подзвігу народных мсціўцаў на тэрыторыі Гомельскай вобласці, знаёмяць з гераічнымі ўчынкамі юных падпольшчыкаў, якія заплацілі за Перамогу самым каштоўным — уласным жыццём. Сімвалічна, што пра гэта даведаліся і навучэнцы Ліцэя імя Ф. Э. Дзяржынскага Беларускага дзяржаўнага ўніверсітэта, якія разам з парламентарыямі прысутнічалі на чытаннях. Найперш усе ўдзельнікі парламенцкіх чытанняў азнаёміліся з унікальнай музейнай экспазіцыяй.

Сёння Нацыянальны гісторыка-культурны музей-запаведнік «Нясвіж» не толькі аб’ект гісторыка-культурнай спадчыны, канкрэтныя будынкі, а жывы, дынамічны арганізм, які ўвесь час расце і развіваецца. Чым цяпер жыве музей-запаведнік «Нясвіж», якія знакавыя мерапрыемствы запланаваны на найбліжэйшы час для прыцягнення ўвагі турыстаў, расказаў яго дырэктар Дзмітрый Яшчанка.

Дом Валянціна Таўлая Лідскага гісторыка-мастацкага музея супрацоўнічае з рознымі ўстановамі культуры Беларусі. У тым ліку з Дзяржаўным літаратурным музеем Янкі Купалы. Музейшчыкаў злучыла адна важная ў гісторыі беларускай літаратуры падзея — прыезд у Ліду народнага паэта Беларусі Янкі Купалы ў сакавіку 1940 года. Роўна 85 гадоў назад. Між іншым, горад рыхтуецца да Дня беларускага пісьменства!

25 сакавіка ў Беларускім дзяржаўным музеі гісторыі Вялікай Айчыннай вайны адбылося прэзентацыя рарытэту з музейнай калекцыі «Жывапіс» — абразок «Прападобная Еўфрасіння Полацкая». Гэта падарунак маці беларускаму мастаку Яўгену Ражкову.