Сеткавае выданне zviazda.by

Польшча ў ноч на 17 лістапада аднавіла работу пунктаў пропуску «Баброўнікі» і «Кузніца Беластоцкая» на граніцы з Беларуссю. Аб гэтым рашэнні польскі бок афіцыйна праінфармаваў Мінск загадзя. У суботу пад кіраўніцтвам Прэм’ер-міністра Аляксандра Турчына і Дзяржаўнага сакратара Савета бяспекі Рэспублікі Беларусь Аляксандра Вальфовіча адбылася нарада, прысвечаная сітуацыі на граніцы з дзяржавамі Еўрапейскага саюза. Мерапрыемства прайшло па даручэнні Прэзідэнта Беларусі Аляксандра Лукашэнкі. У нарадзе таксама прынялі ўдзел кіраўнікі Міністэрства замежных спраў Максім Рыжанкоў, Дзяржаўнага пагранічнага камітэта Канстанцін Моластаў, Дзяржаўнага мытнага камітэта Уладзімір Арлоўскі і Камітэта дзяржаўнай бяспекі Іван Тэртэль.

Міністр замежных спраў Літвы Кястуціс Будрыс дапусціў, што два закрытыя пункты на граніцы з Беларуссю могуць быць адкрыты да 30 лістапада, паведамляе БелТА.

Польскі бок аднавіў работу пунктаў пропуску на граніцы з Беларуссю, перадае БелТА.

У пункце пропуску «Бераставіца» (сумежны польскі «Баброўнікі») пачалася рэгістрацыя ў электроннай чарзе для легкавушак і грузавікоў, перадае БелТА.

Мытная інфраструктура ў пунктах пропуску на граніцы з Польшчай удасканалена і пашырана, тэхсродкі працуюць штатна. Аб гэтым расказаў журналістам начальнік галоўнага ўпраўлення арганізацыі мытнага кантролю ДМК Віктар Зубік, перадае БелТА.

Літоўскія грузаперавозчыкі правялі ў Вільнюсе акцыю пратэсту супраць закрыцця пагранпераходаў з Беларуссю, паведамляе БелТА.

Рашэнне акажа станоўчы ўплыў перш за ўсё на прыгранічны гандаль

Аналітык Беларускага інстытута стратэгічных даследаванняў Аляксей Аўдонін выказаў сваё меркаванне аб тым, чаму Польшча адкрыла два пункты пропуску на граніцы з Беларуссю, паведамляе БелТА. 

Дзяржпагранкамітэт атрымаў афіцыйнае апавяшчэнне польскага боку аб адкрыцці 17 лістапада пунктаў пропуску «Кузніца Беластоцкая» і «Баброўнікі». Беларускія пагранічнікі гатовы да аднаўлення руху ў пунктах пропуску ў поўным аб’ёме, паведамілі БелТА.

Для гарантавання бяспекі і захавання належных санітарных умоў на пад’язных да беларуска-літоўскіх пунктаў пропуску дарогах наведзены поўны парадак. Пра гэта расказаў начальнік мытнага паста «Беняконі» Гродзенскай рэгіянальнай мытні Дзмітрый Парфёнаў, паведамляе БелТА.