Сеткавае выданне zviazda.by

Вытворчасць мэблі, папяровых выбарбаў, малочных тавараў, а таксама развіццё турызму і кантактаў у кінаіндустрыі... Перспектыўныя напрамкі ўзаемадзеяння ў бізнесе, адукацыі і культуры абмеркавалі падчас афіцыйнай сустрэчы Надзвычайны і Паўнамоцны Пасол Рэспублікі Індыя ў Рэспубліцы Беларусь Ашок Кумар і старшыня Гомельскага аблвыканкама Іван Крупко.

Лельчыцкі раён — адзін з уключаных у склад праграмы развіцця раёнаў Прыпяцкага Палесся — цяпер, сапраўды, перажывае абнаўленне ў самых розных сферах. Маштабная мадэрнізацыя закранула ў тым ліку цеплавую гаспадарку раёна. Сёння ў Лельчыцах рэалізуюць знакавы для райцэнтра праект — рэканструкцыю цэнтральнай кацельні.

Знакавая падзея — чарговы прыклад таго, што пры падтрымцы дзяржавы ў Гомельскім рэгіёне робіцца ўсё, каб вайскоўцы неслі службу ў камфортных умовах.

Нагадаць землякам, што чыста не там, дзе прыбіраюць, а дзе не смецяць, вырашыў неабыякавы гамяльчанін, фотакарэспандэнт Андрэй Феакцістаў і даслаў у СМІ здымкі... смецця на ўскраіне Гомеля. Аказалася, што гэта забруджаная тэрыторыя трапіла не толькі ў аб’ектыў фатографа, але яшчэ раней — у «чорны спіс» гомельскіх эколагаў. Не адкладаючы вырашэнне праблемы, менавіта з гэтага пункта стартаваў першы ў горадзе працоўны дэсант вясновага месячніка па добраўпарадкаванні. Каб рэальна параўнаць, як было і як стала, у рэйд з камунальнымі службамі на прыборку выехала і карэспандэнт «Звязды».

Цэнавая сітуацыя ў рознічным гандлі заўсёды застаецца ў полі зроку дэпутатаў усіх узроўняў. Цяпер, на пачатку вясны, асабліва важнай выглядае даступнасць агародніны і фруктаў, якія вырошчваюцца ў нашай краіне. Апошняе падкрэслівалася на нарадзе ў кіраўніка дзяржавы 28 лютага. «Людзям павінна быць па кішэні самае простае: капуста, цыбуля, бульба, морква, яблыкі», — сказаў тады Прэзідэнт. Карэспандэнты «Звязды» ў рэгіёнах разам з дэпутатамі вывучылі сітуацыю ў розных аб’ектах гандлю: ад супермаркета да аўтакрамы.

Тыдзень таму кіраўніком дзяржавы перад АПК былі абазначаны канкрэтныя задачы: штогод нарошчваць вытворчасць прадукцыі на 5-6 %, збіраць не менш за 11 мільёнаў тон зерня; сёлета — вырабіць, захаваць і прадаць больш за 9 мільёнаў тон малака і больш чым два мільёны тон мяса, аб’ём экспарту ўтрымаць на пазіцыі 9 мільярдаў долараў. Задачы гэтыя вырашаюцца штодня, але ёсць дні асаблівыя, ад якіх залежыць тая самая канчатковая лічба. Веснавыя палявыя работы — якраз такія.

Удзельніцы Вялікай Айчыннай вайны, працаўніцы тылу Надзеі Хахловай самыя шчырыя словы падзякі і віншаванне з надыходзячым Днём жанчын асабіста адрасаваў старшыня Гомельскага аблвыканкама Іван Крупко. Так, кіраўнік рэгіёну падтрымаў акцыю «Мы вас віншуем, баявыя сяброўкі».

З актывам рэгіёну ў рамках калегіі камітэта ідэалагічнай работы і па справах моладзі Гомельскага аблвыканкама сустрэўся намеснік кіраўніка Адміністрацыі Прэзідэнта Беларусі Уладзімір Пярцоў. Па ацэнцы спікера, пэўныя поспехі і дасягненні ў рабоце ідэалагічнай вертыкалі Гомельшчыны па выніках мінулага года відавочныя. Тым ні менш работа ідэалагічнага кірунку ў цэлым у перадэлектаральны і электаральны час выявіла кропкі для далейшага росту.

Шэраг зваротаў ад жыхароў з розных раёнаў вобласці тычыліся зямельных пытанняў. Адно з іх — сітуацыю з самавольна занятым участкам і ўзвядзеннем на ім пабудоў агучыў жыхар Рэчыцы. Заяўнік патлумачыў, што участак быў выдзелены для разваротнай пляцоўкі каля будаўнічай крамы. Зарэгістраваць і ўвесці аб’ект у эксплуатацыю ў акрэсленыя тэрміны прадпрымальнік не паспеў. Цяпер узнікла праблема з узаконьваннем участку.

Безыменны металічны абеліск у лясным масіве паблізу пасёлка Нікольск Гомельскага раёна прыцягнуў увагу нераўнадушных грамадзян. Пасля іх звароту ў Гомельскі гісторыка-краязнаўчы музей пачалася карпатлівая работа па пошуку інфармацыі аб магчымым воінскім пахаванні. Нягледзячы на вельмі скупыя звесткі, якія пра яго маюцца, у раёне плануюць канчаткова разабрацца ў гэтай гісторыі, бо памяць аб кожным байцы Вялікай Айчыннай вайны павінна быць ушанаваная.