Сеткавае выданне zviazda.by

У Светлагорскім раёне маленькая дзяўчынка з’ела бабуліну таблетку, выратаваць дзіця не ўдалося. Пра гэта на прэс-канферэнцыі па прафілактыцы траўматызму дзяцей і гібелі непаўналетніх ад знешніх прычын расказала начальнік аддзела па наглядзе за выкананнем заканадаўства аб непаўналетніх і моладзі пракуратуры Гомельскай вобласці Вольга Шаўчэнка, перадае БелТА.

Адзін з найбуйнейшых народных агульнарэспубліканскіх праектаў памяці — комплекс воінскай славы ў гонар аперацыі «Баграціён» у Светлагорскім раёне — адкрыты пасля маштабнай рэканструкцыі.

Намеснік прэм’ер-міністра Рэспублікі Беларусь Наталля Пяткевіч адзначыла, што мерапрыемства, якое зараз праходзіць ў Светлагорску, садзейнічае фарміраванню ў маладога пакалення здаровага ладу і стылю жыцця, з малых гадоў прывівае звычку клапаціцца пра сваё здароўе: «Здароўе — гэта тое, што мы даем самі сабе. Гэта здаровы лад жыцця, фізкультура, спорт і гэтак далей. І вельмі здорава, калі кожны чалавек будзе разумець, што трэба падтрымліваць свой фізічны стан. „Вытокi“ да гэтага прывучаюць».

Увечары першага дня фестывалю «Вытокі» для юных аматараў малявання ў парку на вуліцы Калініна арганізавалі мастацкі інтэрактыў «стАРТ». Разам з беларускімі майстрамі жывапісу дзеці завяршылі афармленне пляцоўкі новага шматпрофільнага комплексу для катання і заняткаў спортам ад Нацыянальнага алімпійскага камітэта Рэспублікі Беларусь. 

«Вытокі» запрашаюць

Спартыўна-культурны фестываль «Вытокi» ўпершыню прайшоў у 2021 годзе, і ўсяго за чатыры гады яго ўдзельнікамі сталі больш за 400 тысяч чалавек. На гэты раз цэнтрам прыцягнення для аматараў спорту, культуры і актыўнага сямейнага адпачынку стане г. Светлагорск (Гомельская вобласць). Арганізатарамі выступілі Нацыянальны алімпійскі камітэт Рэспублікі Беларусь, Федэрацыя прафсаюзаў Рэспублікі Беларусь, Гомельскі аблвыканкам, ТАА «АртХаос», ТАА «БелБрэндАўдыт».