Сеткавае выданне zviazda.by

План правядзення Года добраўпарадкавання быў сфарміраваны з парадку 80 мерапрыемстваў, і Міністэрства жыллёва-камунальнай гаспадаркі напрамую курыруе 14 з іх. Што ўдалося зрабіць? Папярэднімі вынікамі падзяліўся намеснік міністра жыллёва-камунальнай гаспадаркі Андрэй РАМАШКА, паведаміла БелТА.

У краіне за гэты год высаджана каля 360 тысяч дрэў. Па выніках 9 месяцаў высаджана 377 тысяч кустоў. Тут несумненным лідарам з’яўляецца сталіца, дзе высаджана 177 тысяч кустоў (у асноўным на Мінскай кальцавой дарозе). Па кветкавым афармленні ўстаноўлены невялікі рэкорд — высаджана больш за 32 мільёны кветак. Тут таксама лідзіруе Мінск, дзе за 9 месяцаў высаджана больш за 10 мільёнаў кветак.

Галоўная мэта Года добраўпарадкавання — павышэнне якасці жыцця людзей, прычым не толькі ў гарадах, але і ў аддаленых вёсках. Амаль кожны населены пункт краіны ў 2025-м быў закрануты марафонам па навядзенні чысціні і парадку. 

У гэтым пераконваешся кожны раз, калі на месцах размаўляеш аб тым, што зроблена. Падводзячы вынікі, кожны стараецца падзяліцца і планамі на будучыню. Як прыклад — дзве лакацыі ў розных кутках Беларусі, дзе кіраўнікі мясцовай улады расказалі, як прыгажэюць іх паселішчы.

Другое жыццё гэтай зоне адпачынку было дадзена ў рамках рэалізацыі грамадзянскай ініцыятывы. Цяпер у парку ёсць месца і для заняткаў спортам з выкарыстаннем сучасных трэнажораў, і для культурнага баўлення часу. Калі ў лічбах, было ўладкавана больш за два кіламетры пешаходных дарожак, ліквідавана 62 аварыйныя дрэвы, каля 300 — абрэзана. Акрамя таго, выдалілі пустазельную расліннасць плошчай звыш трох гектараў. Да гэтых добрых спраў далучыліся і мясцовыя жыхары.