Сеткавае выданне zviazda.by

Другі квартал на рынку жыллёвай нерухомасці сталіцы меў шэраг асаблівасцяў. У красавіку і чэрвені была зарэгістравана мінімальная для гэтых месяцаў за пяць гадоў колькасць здзелак — 1139 і 1085 адпаведна, а май перавысіў толькі май 2021-га — 1251 здзелка, паведамілі ў Дзяржаўным камітэце па маёмасці. На долю здзелак з аднапакаёвымі кватэрамі прыпадала 43 % ад іх агульнай колькасці, з двухпакаёвымі і трохпакаёвымі — 34 % і 19 % здзелак.

Калі няма свайго жылля, то, відавочна, яго даводзіцца здымаць. Пагадзіцеся, калі ёсць выбар — у прыватніка-ўласніка па камерцыйнай цане або ў дзяржавы, — то, як правіла, другі варыянт куды больш прывабны. Як-ніяк, сума не кусаецца, ды і выключана верагоднасць таго, што вас нечакана папросяць, «таму што трэба тэрмінова прадаць», «перасяляецца сваяк» ці — «так склаліся абставіны». З 21 верасня ў некаторых катэгорый беларусаў з’явіцца магчымасць выкупу квадратаў, якія арандуюцца ў дзяржавы. З гэтай даты ўступаюць у сілу нормы ўказа Прэзідэнта нумар 235. Каго ён закране і якія пры гэтым ёсць нюансы.

У Беларусі ў студзені — маі гэтага года арганізацыямі ўсіх форм уласнасці пабудавана 13 тыс. кватэр, уведзена ў эксплуатацыю 1338,1 тыс. кв. м агульнай плошчы жылля. Аб гэтым паведамляе БелТА са спасылкай на Белстат.

У правілах дзяржрэгістрацыі маёмасці — шэраг навацый. Закон «Аб змяненні законаў па пытаннях дзяржаўнай рэгістрацыі нерухомай маёмасці, правоў на яе і здзелак з ёю» ўступіў у дзеянне. Цяпер дзяржрэгістрацыя становіцца для грамадзян больш гнуткай і спрошчанай, менш бюракратызаванай і, натуральна, больш тэхналагічнай. Расказваем, што змянілася.

Да канца года неабходна навесці на тэрыторыі Мінска поўны парадак. Такую задачу днямі акрэсліў старшыня Мінскага гарвыканкама Уладзімір Кухараў. І гэта якраз тая праблема, пра якую не так даўно гаварыў Прэзідэнт. 14 красавіка Аляксандр Лукашэнка, прымаючы з дакладам мэра сталіцы, паставіў задачу разабрацца з даўгабудамі ў Мінску, і асабліва ў комплексе «Мінск-Мір». Асобную ўвагу кіраўнік дзяржавы звярнуў на праблему звышнарматыўных тэрмінаў будаўніцтва жылля. «Гэта недапушчальна — даўгабуды, — падкрэсліў Прэзідэнт. — У вас іх 13, і з іх у „Мінск-Міры“ — 8. Гэта наогул недапушчальна. Яны (кампанія, якая займаецца забудовай гэтага квартала. — Заўв. аўт.) прыйшлі сюды працаваць, заключылі з намі інвестыцыйныя пагадненні, дагаворы, узялі на сябе абавязацельствы. Няхай выконваюць, калі хочуць працаваць тут». Карэспандэнт «Звязды» даведаўся, як сталічныя ўлады плануюць вырашаць праблему з даўгабудамі, што і на якім этапе цяпер у комплексе «Мінск-Мір», а таксама якіх маштабных аб’ектаў варта чакаць мінчанам у найбліжэйшы час.

У Мінску па генплане забудовы да 2030 года прадугледжана ўзвядзенне штогод 600 тыс. кв. м жылля. З адначасовай актывізацыяй працэсу ў рэгіёнах, каб спыніць дыспрапорцыю развіцця тэрыторый і ператок насельніцтва. Да гэтага часу гэтая лічба была нашмат больш. Напрыклад, заданне на 2024 год Мінск перавыканаў на 11 тыс. кв. м. Цяпер такой магчымасці няма, расказала старшыня камітэта будаўніцтва і інвестыцый Мінгарвыканкама Ірына Гантарава, паведамляе БелТА.

Намеснік начальніка аддзела прававога рэгулявання і рэалізацыі жыллёвай палітыкі ўпраўлення жыллёвай палітыкі Мінгарвыканкама Таццяна Бухта расказала аб тым, як пабудаваць жыллё ў Мінску з дапамогай сямейнага капіталу, паведамілі ў БелТА.

Садовае таварыства першапачаткова населеным пунктам не з’яўляецца, аднак пры пэўных абставінах можа атрымаць такі статус, патлумачыла кансультант юрыдычнага ўпраўлення Міністэрства эканомікі Ірына Скачкова. Апошнім часам, у Мінэканомікі паступае значная колькасць зваротаў, якія звязаны з падобнай тэматыкай. Як заўважыла кансультант, частка зваротаў сведчыць аб тым, што грамадзяне, набываючы зямельныя ўчасткі ў садовых таварыствах, не заўсёды валодаюць неабходнай інфармацыяй аб прававым рэгуляванні ў гэтай галіне.

Намеснік начальніка аддзела прававога рэгулявання і рэалізацыі жыллёвай палітыкі ўпраўлення жыллёвай палітыкі Мінгарвыканкама Таццяна Бухта расказала, як стаць на ўлік маючых патрэбу ў паляпшэнні жыллёвых умоў і пра ўсе нюансы гэтага працэсу.

Аб’ёмы будаўніцтва арэнднага жылля ў Беларусі будуць расці, яно запатрабавана. Аб гэтым расказала намеснік начальніка галоўнага ўпраўлення будаўніцтва і жыллёвай палітыкі — начальнік упраўлення жыллёвай палітыкі Міністэрства архітэктуры і будаўніцтва Іна Пінкоўская, паведамляе БелТА.