Для ўдзелу ў мерапрыемстве зарэгістраваліся 30 тыс. чалавек з 40 краін, на выбар аматарам спорту былі даступныя пяць дыстанцый. Першымі на старт у 9.00 сыдуць Удзельнікі на дыстанцыі 10 км, а ў дзесяць гадзін раніцы пачнецца самы прэстыжны від — паўмарафон на 21,097 км.таксама ў нядзельнай праграме — забег на 5 км (13.00), фан-забег на 3 км (14.00) і сямейныя забегі на 1,5 км (15.00, 15.15, 15.30).

Усе ўдзельнікі стартуюць ля стадыёна «Дынама» на вуліцы Кірава і фінішуюць на бегавой дарожцы галоўнай лёгкаатлетычнай арэны краіны. Маршруты дзвюх найбольш доўгіх дыстанцый пракладзены па вул. Свярдлова, праспекце Незалежнасці, вул. Леніна, пр. Пераможцаў і вул. Ульянаўскай. Спартсмены прабягуць міма Белдзяржцырка, манумента Перамогі, мінскай ратушы, Палаца спорту і стэлы «Мінск — горад-герой».

На тэрыторыі стадыёна для гасцей будуць працаваць фотазоны, пляцоўкі з актыўнасцямі і прасторы для творчасці і адпачынку. Акрамя таго, з лекцыямі аб бегу і здаровым ладзе жыцця выступяць вядомыя беларускія спартсмены. У скверы ў «Дынама» пройдзе фестываль «Рух FEST» ад праекта «Спорт для ўсіх» Прэзідэнцкага спартыўнага клуба.