10 кастрычніка ў Нацыянальным мастацкім музеі Рэспублікі Беларусь адкрылася выстава «Рака часу», на якой прадстаўлены творы жывапісу, графікі, скульптуры беларускага мастацтва ХХ—ХХІ стст. са збору музея

Выставачны праект, прымеркаваны да юбілеяў і памятных дат мастакоў, з’яўляецца своеасаблівым дадаткам да пастаяннай экспазіцыі, якая ўключае, у першую чаргу, творы найбольш характэрныя для творчасці кожнага з аўтараў. Галоўная ідэя выставы—прадставіць наведвальнікам творчасць ужо знаёмых майстроў, раскрыць новыя грані іх мастацкага пошуку і эксперыментаў, а таксама пазнаёміць з унікальнымі працамі, якія раней не выстаўляліся.

Выстава будзе працаваць да 11 лістапада.

Віктар ІВАНЧЫКАЎ

Фота аўтара