На беразе вадасховішча Пціч на тэрыторыі воднага спартыўнага комплексу 6 верасня паспяхова прайшоў Wake Up Festival — сінтэз спорту, музыкі і вераснёўскага, але летняга, пазітыву. На фестывалі — забавы на любы густ: відовішчныя шоу, дзесяткі актыўнасцей для ўсёй сям’і (гульнявыя зоны, квэсты і майстар-класы), ёга ля вады, катанні на SUP-дошках і электрафойлах, музычная сцэна, лаўнж-зоны і фудкорты. Вядома, фішкай фэсту сталі відовішчныя «паказушкі» прафесійных вейкбардыстаў і вадналыжнікаў. Аднак, аматары вейка і іншых водных відаў спорту з задавальненнем і драйвам рассякалі воды Пцічы. Як гэта было, глядзіце ў фотарэпартажы карэспандэнта «Звязды».

Аляксандр Грыгор’еў, фота аўтара