31 студзеня 2026 года ў гандлёвым цэнтры «Сталіца» прайшоў модны паказ, на якім былі прадстаўлены новыя калекцыі вядомых беларускіх брэндаў. Паказ быў арганізаваны Галінай Краўчанка і яе мадэльным агенцтвам у супрацоўніцтве з адміністрацыяй гандлёвага цэнтра і беларускімі брэндамі адзення. На подыуме выступілі мадэлі розных узростаў і памераў. Гэтым арганізатары хацелі паказаць, што ў Год беларускай жанчыны кожная можа стаць мадэллю. Таксама падчас паказу выступілі дзеці з інклюзіўнага цэнтра творчасці «Дыялог».