150 старшакласнікаў праходзяць тут навучанне па 15 спецыяльнасцях, такіх як біятэхналогіі, прыродныя рэсурсы, зялёная хімія, інфармацыйная бяспека, архітэктура і дызайн, электроніка і сувязь і іншыя.

Адукацыйныя змены на працягу месяца — гэта адзін з асноўных напрамкаў дзейнасці Нацыянальнага дзіцячага тэхнапарку, у рамках якога навучэнцам 9-11 класаў даецца магчымасць бясплатна прайсці навучанне па выбраным адукацыйным напрамку. Пры паспяховым асваенні адукацыйнай праграмы на змене навучэнцы могуць прадоўжыць работу над рэалізуемым праектам у дыстанцыйнай форме. Навучэнцы, якія паспяхова асвоілі адукацыйную праграму ў дзённай і дыстанцыйнай формах, могуць атрымаць рэкамендацыю наглядальнай рады ўстановы адукацыі «Нацыянальны дзіцячы тэхнапарк» да залічэння ва ўстановы вышэйшай адукацыі без уступных іспытаў пры паступленні на спецыяльнасці профіляў адукацыі «Тэхніка і тэхналогіі» і «Натуральныя навукі», а таксама ў ліцэі, універсітэты для асваення зместу адукацыйнай праграмы сярэдняй адукацыі з вывучэннем асобных навучальных прадметаў, модуляў на павышаным узроўні ў рамках арганізацыі профільнага навучання без уступных іспытаў у адпаведнасці з крытэрыямі.

Віктар ДРАЧОЎ

Фота аўтара