Бадай ніколі не сустрэнеш столькі мужчын з засяроджанымі і заклапочанымі тварамі, як напярэдадні 8 Сакавіка, дый у само свята. У выбары падарункаў для сваіх любімых і каханых кожны хоча знайсці штосьці такое... 

Камусьці ў гэтым дапамагае прафесія. Як, напрыклад, Дзянісу Валністаму, супрацоўніку Мінскага цяплічнага камбіната. Што яго жонка і дзве дачушкі атрымаюць найлепшыя кветкі, можна нават не сумнявацца. 

А вось Віктар Дзедуль, галоўны інжынер Мінскага хлебазавода № 3 мае магчымасць падарыць сваім любімым жанчынам торт «Святочны», які выпякаецца тут спецыяльна да 8 Сакавіка.

Большасці ж застаецца ісці... канешне, па кветкі. Балазе, іх на тым жа Камароўскім рынку — мора.

Фота Віктара Іванчыкава і Віктара Драчова