1 лютага ў Мінскім сувораўскім ваенным вучылішчы прайшоў Дзень адкрытых дзвярэй.

У прасторнай актавай зале вучылішча сабраліся мамы, таты, дзядулі, бабулі разам з дзецьмі і ўнукамі.
Начальнік установы адукацыі палкоўнік Дзмітрый Кучук азнаёміў прысутных з гісторыяй і сённяшнімі буднямі МСВВ.

Сувораўцы падрыхтавалі разнапланавую канцэртную праграму, у якой знайшлося месца выступленню барабаншчыкаў, інсцэніроўцы па рамане Юрыя Бондарава «Гарачы снег», сольным нумарам і песням вакальна-інструментальнага ансамбля «Пунсовыя пагоны».

Потым госці змаглі азнаёміцца ​​з умовамі жыцця і побыту сувораўцаў, элементамі абноўленай вучэбна-матэрыяльнай базы, атрымаць кансультацыі па паступленні ў 2025 годзе.

Віктар Іванчыкаў, фота аўтара