У прыватнасці, адзначаецца рост укладанняў у вытворчую базу і тэхналагічнае абнаўленне: выдаткі на набыццё машын, абсталявання, транспартных сродкаў — «плюс» 20,3 %.

— Тым самым фарміруецца задзел для павышэння эфектыўнасці і канкурэнтаздольнасці дзейных прадпрыемстваў, — растлумачылі ў эканамічным ведамстве.

У тэрытарыяльным разрэзе лідарамі выступаюць Мінская вобласць (тэмп росту 119,6 %), Гомельская (118,4 %), Магілёўская (114,5 %) і Брэсцкая вобласці (113,1 %).

Значны ўклад у развіццё рэгіёнаў уносіць ініцыятыва «Адзін раён — адзін праект»: на 1 ліпеня 2025 года завершана рэалізацыя 84 праектаў, створана каля 5,8 тысячы новых працоўных месцаў.

У гэтым перыядзе ў ТОП-3 праектаў па прыцягнутых інвестыцыях у асноўны капітал увайшлі інвестпраекты Светлагорскага ЦКК, агракамбіната «Дзяржынскі» і Мінскага гарадскога тэхнапарка.