Надвор'е: ліпень фінішуе дажджамі, часам моцнымі
На апошнім працоўным тыдні ліпеня франтальныя раздзелы не пакінуць у спакоі нашу краіну. «Таму характар надвор’я будзе неспакойным. Часам прагназуюцца дажджы, пры актыўным развіцці атмасферных працэсаў ападкі будуць дасягаць крытэрыяў моцных, суправаджацца навальніцамі і моцным парывістым ветрам. Таму парасоны лепш трымаць пад рукой», — параілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак на большай частцы тэрыторыі краіны пройдуць дажджы, месцамі моцныя, а таксама навальніцы. Вецер пераменных напрамкаў умераны, пры навальніцах парывісты, у асобных раёнах шквалістае ўзмацненне. Уначы і раніцай у асобных раёнах магчымы слабы туман. Тэмпература паветра ноччу складзе ад 11°С да 21°С па паўднёвым усходзе. Днём будзе ад 20°С па паўднёвым захадзе да 32°С па ўсходзе.
У сераду надвор’е будзе вызначаць цыклон, цэнтр якога перамесціцца з тэрыторыі Украіны на Беларусь. Чакаецца воблачна з праясненнямі. На большай частцы тэрыторыі — дажджы, у заходніх і цэнтральных раёнах — моцныя дажджы. Месцамі — навальніцы, днём магчымы град. Вецер пераменных напрамкаў — умераны, пры навальніцах — парывісты, месцамі — да моцнага. Тэмпература паветра ноччу — 13-20°С, днём — ад 15°С па захадзе да 29°С па поўначы.
У чацвер надвор’е будуць вызначаць атмасферныя франты ад цыклону, цэнтр якога перамесціцца з Беларусі на Балтыйскае мора. Захаваецца воблачнае з праясненнямі надвор’е. На большай частцы тэрыторыі — кароткачасовыя дажджы, месцамі — навальніцы. Вецер пераменных напрамкаў умераны, пры навальніцах парывісты. Тэмпература паветра ўначы — ад 11°С па паўднёвым захадзе да 19°С па паўночным усходзе. Днём месцамі чакаецца 18-23°С, а па поўначы ў многіх раёнах — 24-27°С.
Фота Віктара ІВАНЧЫКАВА
