На сустрэчы з расійскім губернатарам віцэ-прэм’ер акцэнтаваў: штогадовы тавараабарот Беларусі і Цюменскай вобласці імкнецца да 4 мільярдаў долараў.

— Асноўная частка тавараабароту — гэта важная для Беларусі вуглевадародная сыравіна, якая закупляецца ў Цюменскай вобласці. Імпарт такіх тавараў дазваляе нашай эканоміцы нармальна функцыянаваць, а беларускім прадпрыемствам выпускаць прадукцыю як для ўнутранага рынку, так і экспарту, — адзначыў ён.

Па словах Юрыя Шулейкі, паступальна развіваецца супрацоўніцтва ў галіне паставак беларускіх ліфтаў, сельскагаспадарчай тэхнікі, у тым ліку ў рамках абласных праграм.

— Удзячныя цюменскаму кіраўніцтву за распаўсюджанне на беларускую сельскагаспадарчую тэхніку механізму субсідзіравання закупкі такой прадукцыі аграрыямі, — падкрэсліў ён.

Юрый Шулейка таксама адзначыў значны патэнцыял у пастаўках для Цюменскай вобласці дарожна-будаўнічай, грузавой, спецыяльнай і пасажырскай тэхнікі:

— У тым ліку з выкарыстаннем ільготных фінансавых інструментаў, якія даюцца Банкам развіцця Беларусі.

Акрамя таго, як падкрэсліў профільны віцэ-прэм’ер, узаемную цікавасць для бакоў могуць уяўляць праекты па пастаўках у Цюменскую вобласць абсталявання для жывёлагадоўчых аб’ектаў, а таксама камбікармоў, прэміксаў і амінакіслот вытворчасці БНБК, ветэрынарных прэпаратаў для патрэб сельгаспрадпрыемстваў.