Памятаеце, калісьці ў нас слова «імпарт» вымаўлялі ледзь не з прыдыханнем. А сёння беларусы пабудавалі паўнаважкую эканоміку экспарту. Нашы брэнды і кампетэнцыі неабходныя ў розных кутках свету. А нам патрэбны працоўныя рэсурсы. Гэта яшчэ і сучасная прыкмета новага тэхналагічнага ўкладу.

Дрэнна чалавеку быць аднаму. У простых словах — абсалютная ісціна. Сям’я — гэта аснова сацыялізацыі. І чым больш дзяцей за адным сталом, тым больш яны адаптаваныя да грамадскага жыцця. Шматдзетныя сям’і — найлепшыя лекі ад «вірусаў» сучаснасці: інфантылізму і эгацэнтрызму, абыякавасці да жыцця.

Хараство. Вясна. Не тое што птушкі спяваюць — душа шчабеча. Прырода, ды і людзі прыбраліся да Вялікадня. Наперадзе — новы подых жыццесцвярджальнага імпэту. І так кожны год.

У мяне было шчаслiвае дзяцiнства. I справа не ў цукерках, цацках (нават не ва ўнiкальнай па тых часах прыстаўцы «дэндзi»). Матуля зрабiла ўсё магчымае, каб у маiм дзяцiнстве было тое, чаго не хапала ў пакалення дзяцей франтавiкоў. А вось пакаленне франтавiкоў зрабiла ўсё, каб увогуле ў нашых пакаленняў было не тое што дзяцiнства, а нават магчымасць нарадзiцца.

Кіраўнік дзяржавы падпісаў Дырэктыву № 11 «Аб удасканаленні функцыянавання сістэмы органаў улады і кіравання, узмацненні выканальніцкай дысцыпліны», накіраваную на кардынальнае павышэнне эфектыўнасці функцыянавання сістэмы органаў дзяржулады. Аб чым гэты дакумент? Аб якасці. Аб якасці жыцця. Нібыта застарэлы брудны снег пад вясновымі промнямі сонца, знікаюць непатрэбныя працэсы. Дырэктыва дакладна вызначае: ніякіх залішніх нарад, справаздач, забараняе стварэнне залішніх калегіяльных органаў. Зялёнае святло — дзейсным фарміраванням, не павінна стварацца камісій, што падмяняюць работу дзяржаўных органаў і арганізацый.

Птушыны гоман над жамчужынамі беларускага дойлідства і велічнымі зялёнымі пушчанскімі шатамі, дзіцячы гоман у гарадах і, што асабліва радуе, у вёсках — па ўсім відаць — вясна ідзе. Гэта сапраўдныя кадры нашага жыцця. Час надзей, час чакання новага, але разам з тым і час руплівых спраў. Каб захаваць і ўзбагаціць тое, што маем, варта не толькі не забывацца пра пратаптаны шлях, але і пракладваць новыя напрамкі. Мабыць, у гэтым карэнная сутнасць кадравай палітыкі кіраўніка дзяржавы, як і ў вірлівым прыродным кругавароце, — абнаўленне.