Вы здесь

Пачуццяў шчырыя радкі...


У межах праекта «Фарбы Берасцейшчыны» госці з Брэста наведалі Арэхаўскую школу Маларыцкага раёна. У складзе дэлегацыі — журналіст, паэт Георгій Тамашэвіч, знакаміты аграрый і грамадскі дзеяч Аляксей Скакун, намеснік старшыні Брэсцкага абласнога аддзялення СПБ паэтэса Любоў Красеўская, арганізатар творчай сустрэчы прафесар кафедры беларускай і рускай моў Брэсцкага тэхнічнага ўніверсітэта Марыя Жыгалава і аўтар гэтых радкоў.


Старшакласнікі з увагай слухалі аповеды літаратараў пра жыццё і творчы лёс, задавалі вострыя пытанні, глядзелі відэапрэзентацыі, прысвечаныя дзейнасці пісьменніцкай суполкі, прыслухоўваліся да паэтычных радкоў... Георгій Тамашэвіч засяродзіў увагу на значнасці друкаванага слова і аздобіў сустрэчу рознатэматычнымі вершамі. Пра тое, як праца на роднай зямлі выхоўвае чалавека, распавёў Аляксей Скакун. Любоў Красеўская прадставіла кнігі, выдадзеныя ў Расіі і Польшчы. Марыя Жыгалава прааналізавала паэтычныя творы і зачытала ўрыўкі са сваіх навуковых прац.

Юныя ўдзельнікі імпрэзы пераканаліся, што пісьменнік — гэта перш-наперш знаўца чалавечай душы, нястомны рупліўца, які глядзіць глыбока ў мінулае і бачыць далей чым у заўтрашні дзень.

Літаратары падарылі школьнай бібліятэцы свае кнігі, калектыўныя зборнікі.

Напрыканцы старшакласнікі правялі для гасцей запамінальную экскурсію па Пушкінскім музеі, які быў створаны па ініцыятыве і намаганнямі Марыі Жыгалавай. Штогод музей папаўняецца новымі экспанатамі, мацуюцца творчыя сувязі з гарадамі і мястэчкамі, дзе цэняць рускага класіка. Атмасферу ўтульнасці і парадку ва ўстанове зберагае дырэктар гэтай школы Галіна Сахарчук.

Паездка ў глыбінку, дзе шануюць мастацкае слова і культурныя традыцыі, стала для пісьменнікаў аддзялення адметнай падзеяй. Запомніцца сустрэча і арэхаўцам за магчымасць пачуць жывое слова і акунуцца ў творчую атмасферу.

Таццяна ДЗЕМІДОВІЧ, старшыня Брэсцкага абласнога аддзялення СПБ

Выбор редакции

Культура

Чем в этом году будет удивлять посетителей «Славянский базар в Витебске»?

Чем в этом году будет удивлять посетителей «Славянский базар в Витебске»?

Концерт для детей и молодежи, пластический спектакль Егора Дружинина и «Рок-панорама».

Общество

Время заботы садоводов: на какие сорта плодовых и ягодных культур стоит обратить внимание?

Время заботы садоводов: на какие сорта плодовых и ягодных культур стоит обратить внимание?

Выбор саженца для садовода — тот момент, значимость которого сложно переоценить.

Сельское хозяйство

Как обстоят дела на полях Беларуси на данный момент?

Как обстоят дела на полях Беларуси на данный момент?

Успех зависит от соблюдения отраслевых регламентов и технологий.

Регионы

Бьюти-рецепты XVIII века восстанавливают в Грабовке

Бьюти-рецепты XVIII века восстанавливают в Грабовке

«Императорский» туристический маршрут поможет развивать сельскую территорию.