«Пластылінавыя гісторыі» менавіта так называецца персанальная выстава работ «асаблівага» мастака Ібрагіма Бакаракі, якая адкрылася ў спецыяльнай школе-інтэрнаце № 10 г. Мінска. Хлопчык нарадзіўся ў інтэрнацыянальнай сям’і: тата ліванец, маці беларуска. У Ібрагіма захворванне аўтыстычнага спектру, тым не менш ён тварыць і натхняе ўсіх вакол сваімі ўнікальнымі творамі.
Яго класны кіраўнік Дар’я Канцадайла адзначыла няўяўную мэтанакіраванасць Ібрагіма.
— Яго знаходлівасці, яго здольнасці знайсці любую шчыліну, каб дабіцца сваёй мары можа пазайздросціць кожны, — дадала яна.
Усяго на выставе прадстаўлена 65 работ, дзве з якіх хлопчык паспеў зрабіць падчас урачыстай цырымоніі адкрыцця.
Лізавета ГОЛАД
Фота аўтара
